Меню
Жарма ауданында 2023-2024 оқу жылында ерекше білім беру қажеттіліктері бар балалар саны - 279(0 дан 18 жасқа дейін), оның ішінде 85(30%) мектеп жасына дейінгі балалар және 194(70%) мектеп жасындағы балалар.
Мектеп жасындағы балалардың 56 - і (16 мектеп) инклюзивті біліммен қамтылған.
Соңғы 3 жылда осы санаттағы балаларға инклюзивті білім беру үшін жағдай жасау мақсатында бірқатар іс-шаралар іске асырылды:
Білім беру ұйымдарының тәрбиешілері мен педагогтері ерекше білім беру қажеттіліктері бар балалармен жұмыс жасауда тиісті кәсіптік-педагогикалық даярлықтан мектепке дейінгі ұйымдардың 24 тәрбиешісі, 80 пән мұғалімі арнайы біліктілікті арттыру курстарынан өтті.
ҚР Еңбек және халықты әлеуметтік қорғау министрлігінің ұсынымдары ескеріліп, Георгиевка орта мектебінде облыстық бюджеттен бөлінген 6400,0 мың теңгеге, тірек-қимыл аппараты бұзылған балалардың кедергісіз жүріп-тұруына барлық жағдайлар жасалды.
Мектептерде инклюзияны қолдау кабинетерін ашу бағытында облыстық бюджеттен бөлінген 1625,0 мың теңгеге Георгиевка орта мектебінде инклюзияны қолдау кабинеті ашылып, мектептің 10 ерекше білім беру қажеттіліктері бар оқушысы құрдастарымен тең дәрежеде оқуға және жалпы білім беру процесінен қол үзбей, қажетті жеке қолдау алуға мүмкіндік алды.
2023 жылы 3 білім беру нысаны Георгиевка орта мектебі Т.Көбдіков атындағы орта мектебі, Шар негізгі мектептеріне үнемделген қаражат есебінен 1254,5 мың теңгеге қосымша бейімдеу жұмыстары жүргізілді. Көрсетілген қаражатқа баспалдақтың екі жағындағы тұтқалар, тактильді бағыттаушы жолақтар, тактильді плиткалар, раковина мен дәретхананың жанындағы тірек тұтқалары, пиктограммалар, балдақтар мен киімдерге арналған ілгектер, кабинаның қолжетімділік белгісі, жылжымалы пандус т.б. алынып, орнатылды.
Кедергісіз орта құру мақсатында ерекше білім берілуіне қажеттілігі бар балалардың тең қолжетімділігі үшін 34 білім беру нысаны ішінара бейімделді.Бүгінгі күні ерекше білім берілуіне қажеттілігі бар балаларды оқыту және тәрбиелеу үшін жағдай жасаған аудан мектептерінің үлесі 68% (26), мектепке дейінгі ұйымдар-70% (7) құрайды.
2023-2029 жылдарға арналған Жарма ауданының білім беру жүйесін дамытудың ӨҢІРЛІК ЖОЛ КАРТАСЫНА сәйкес ИНКЛЮЗИВТІ БІЛІМ БЕРУ бағыты бойынша төмендегі іс-шаралар жоспарланды:
- Ерекше білім беру қажеттіліктері бар балаларға инклюзияны қолдау бойынша кабинеттер желісін кеңейту:
2025 ж.-1 бірлік (Шар қ., "Абай атындағы мектеп кешені-балабақша" КММ);
- Инклюзивті білім алу үшін жағдай жасау:
2023 ж – 75%;
2024 ж– 85%;
2025 ж – 100%.
- Ерекше білім беру қажеттіліктері бар балаларды арнайы оқулықтармен қамтамасыз ету:
2023-2029 жж-100%