Мемлекеттік қызметтерді көрсету қағидалары
«Жер учаскесінің нысаналы мақсатын өзгерту туралы шешім шығару»
Мемлекеттік қызметті Бартоғай ауылдық округі әкімінің аппараты (бұдан әрі – көрсетілетін қызметті беруші) көрсетеді.
Мемлекеттік қызметті алу үшін жеке тұлғалар (бұдан әрі – көрсетілетін қызметті алушы) «электрондық үкімет» порталы арқылы мынадай құжаттарды ұсынады:
1) осы Қағидаларға 1-қосымшаға сәйкес нысан бойынша жер учаскесінің нысаналы мақсатын өзгерту туралы көрсетілетін қызметті алушының ЭЦҚ-мен куәландырылған электрондық құжат нысанындағы өтініш;
2) жер учаскесiнiң кадастрлық (бағалау) құны актiсiнiң электрондық көшiрмесi, егер оның нысаналы мақсаты өзгерсе, қажет болған жағдайда бюджетке жер учаскесiнiң кадастрлық (бағалау) құнына тең соманы төлеу; Кодекстің 9-бабының 5-тармағына сәйкес кадастрлық (бағалау) құнының айырмасына тең соманы бюджетке төлеу.
Мемлекеттік қызметті көрсету мерзімі: 13 (он үш) жұмыс күні.
Мемлекеттік көрсетілетін қызметтің нәтижесі: көрсетілетін қызметті беруші жер учаскесінің нысаналы мақсатын өзгерту немесе өзгертуден бас тарту туралы шешім қабылдайды. Көрсетілетін қызметті беруші кеңсесінің қызметкері портал арқылы көрсетілетін қызметті алушының жеке кабинетіне көрсетілетін қызметті берушінің уәкілетті тұлғасының ЭЦҚ қол қойылған электрондық құжат нысанында тиісті шешімді жолдайды.
Қосымша ақпарат алу үшін Бартоғай ауылдық округі әкімінің аппаратына хабарласуларыңызды сұраймыз.
Мекен-жайы: Бижанова ауылы, көш. Абай, 1А
Байланыс телефоны: 8 (72776) 7-13-32