Дауылды алдын ала ескерту

"Қазгидромет" РМК-ның 2022 жылғы 18 тамыздағы дауылды ескертуі негізінде, ағымдағы жылдың 19 тамызында Жетісу облысында 20-25 м/с жылдамдықпен солтүстік жел соғады, екпіні 28 м/с жетеді.

Жетісу облысының ТЖД азаматтарды ауа райының өзгеруін бақылауға және келесі сақтық шараларын сақтауға шақырады:

- қатты жел болған кезде үйде болыңыз, үйден шықпаңыз;

- үйлердің қабырғаларына, қоғамдық көлік аялдамаларына, жарнама тақталарына, ағаштардың астына, салынып бітпеген ғимараттардың жанына тығылуға болмайды;

- электр беру желілерінің астында тұруға және үзілген электрсымдарына жақындауға қатаң тыйым салынады;

- балаларды ерекше бақылау қажет және оларды қараусыз қалдыруға болмайды;

- барлық есіктер мен терезелерді жабыңыз;

- электр, газ және суды өшіріңіз;

- суға шомылуға болмайды.

 

Жетісу облысы ТЖД баспасөз қызметі