Қазақстан Республикасы Төтенше жағдайлар министрлігі Солтүстік Қазақстан облысы Төтенше жағдайлар департаменті Төтенше жағдайларды жою басқармасының ережесі

Қазақстан Республикасы Төтенше жағдайлар министрлігі

Солтүстік Қазақстан облысы Төтенше жағдайлар департаменті

Төтенше жағдайларды жою басқармасының

ережесі

 

1-тарау. Жалпы ережелер

 

1. Төтенше жағдайларды жою басқармасы (бұдан әрі – Басқарма) Қазақстан Республикасы Төтенше жағдайлар министрлігінің Солтүстік Қазақстан облысының Төтенше жағдайлар департаментінің (бұдан әрі – Департамент) құрылымдық бөлімшесі болып табылады.
2. Басқарма өз қызметінде Қазақстан Республикасының Конституциясын, Қазақстан Республикасының заңдарын, Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады
3. Басқарма құрылымы, штат саны Департаменттің штат кестесімен айқындалады.
4. Басқарма:

1) Басқарма бастығы;

2) Басқарма бас маманы;

3) Басқарма аға инженері;

4) Басқарма инженері;

5) Басқарма инженері.

 

2. Басқарманың негізгі міндеттері, функциялары,

құқықтары мен міндеттері

 

5. Міндеттері:

1) төтенше жағдайларды жою бөлігінде азаматтық қорғау саласындағы мемлекеттік саясатты қалыптастыру және іске асыру;

2) авариялық-құтқару жұмыстарын ұйымдастыру және жүргізу.

6. Функциялары:

1) төтенше жағдайларды жою саласындағы мемлекеттік саясаттың негізгі бағыттарын әзірлеу, азаматтық қорғаудың мемлекеттік жүйесінің жұмыс істеуін және одан әрі дамуын қамтамасыз ету;

2) өз құзыреті шегінде Министрліктің, Департаменттің мемлекеттік, салалық бағдарламаларымен және тұжырымдамаларымен, Стратегиялық жоспарымен, жыл сайынғы Операциялық жұмыс жоспарымен көзделген іс-шараларды іске асыруды ұйымдастыруға және қамтамасыз етуге қатысу;

3) өз құзыреті шегінде нормативтік құқықтық актілерге, нормативтік актілерге және стандарттарға өзгерістер, толықтырулар енгізу жөнінде Департамент басшылығына ұсыныстар енгізу;

4) Басқарманың құзыретіне кіретін мәселелер бойынша жетекшілік ететін бөлімшелердің кеңестеріне қатысу;

5) тексеру және қызметтік тергеу нәтижелері бойынша Басқарманың құзыретіне кіретін мәселелер бойынша бөлімшелердің қызметіне баға беру;

6) Департаменттің аумақтық бөлімшелері мен авариялық-құтқару қызметтерінің төтенше жағдайларды және олардың зардаптарын жою бойынша жүргізілген іс-шараларды зерделеу үшін шығуларды жүзеге асыру;

7) Қазақстан Республикасының Конституциясы мен заңнамасының талаптарын мүлтіксіз сақтау;

8) Басқарманың құзыретіне кіретін мәселелер бойынша кеңестер, семинарлар, конференциялар ұйымдастыру және өткізу;

7. Басқарманың құқықтары мен міндеттері:

1) Төтенше жағдайлар мен олардың салдарын жою саласындағы мемлекеттік саясатты іске асыруды қамтамасыз етеді;

2) азаматтық қорғаудың мемлекеттік жүйесінің аумақтық кіші жүйесінің жұмыс істеуін және одан әрі дамуын қамтамасыз етеді;

3) төтенше жағдайларды жоюға жедел ден қою мәселелері бойынша шекара маңы ынтымақтастығына қатысады;

4) жергілікті ауқымдағы төтенше жағдайларды жою жөніндегі іс-қимыл жоспарын әзірлейді;

5) шекара маңы облыстарымен және трансшекаралық мемлекеттермен (облыстарымен) төтенше жағдайларды жою жөніндегі өзара іс-қимыл жоспарларын әзірлейді;

6) шаруашылық объектілерінің жұмыс істеуінің тұрақтылығын арттыру және төтенше жағдайларда қауіпсіздікті қамтамасыз ету жөніндегі іс-шаралар кешенін әзірлеуге қатысады;

7) төтенше жағдайлар мен олардың салдарын жою кезінде азаматтық қорғау күштерін басқару жөнінде ұсыныстар енгізеді;

8) азаматтық қорғау органдары мен күштерін даярлау жөніндегі іс-шаралар жоспарын әзірлеуге қатысады;

9) төтенше жағдайлар мен олардың салдарын жою саласындағы жергілікті атқарушы органдар мен қоғамдық бірлестіктердің жұмысын үйлестіреді;

10) қолданыстағы заңнамаға сәйкес төтенше жағдайларды жою кезінде ұйымдардың материалдық-техникалық ресурстарын жұмылдыру жөніндегі жұмысты ұйымдастырады

11) жедел-құтқару жасақтарын жарақтандыру және кинологиялық қызметтерді қамтамасыз ету нормалары бойынша ұсыныстар енгізеді;

12) табиғи және техногендік сипаттағы төтенше жағдайларды жою жөніндегі функцияларды жүзеге асыратын қызметкерлердің нысанды киімдері мен арнайы киім-кешектерінің тиістілік нормалары бойынша ұсыныстар енгізеді;

13) табиғи және техногендік төтенше жағдайлардың және олардың зардаптарының алдын алу және жою жөнінде шаралар қабылдау үшін мемлекеттік материалдық резервтің материалдық құндылықтарын шығару туралы ұсыныстар енгізеді;

14) өз құзыреті шегінде ақпараттық-талдау қызметін жүзеге асырады;

15) авариялық-құтқару қызметтері мен құралымдарының қызметін үйлестіреді;

16) азаматтық қорғау саласындағы білімді, халықты және мамандарды оқытуды насихаттауға қатысады;

17) авариялық-құтқару және шұғыл жұмыстарды жүргізуді жүзеге асырады;

18) төтенше жағдайлар мен олардың салдарын жою мәселелері бойынша жұртшылықпен және бұқаралық ақпарат құралдарымен байланысты қамтамасыз етуге қатысады;

19) табиғи және техногендік сипаттағы төтенше жағдайларды жою және олардың салдарын бағалау үшін жерді ғарыштан қашықтықтан зондтау деректерін пайдаланады;

20) төтенше жағдайлар мен олардың салдарын жою саласындағы Қазақстан Республикасы құқықтық актілерінің жобалары бойынша ұсыныстар енгізеді;

21) Министрліктің Алқа отырысына материалдарды, инстанциядағы ақпаратты, Басқарманың құзыретіне кіретін мәселелер бойынша анықтамаларды, шолуларды дайындауға қатысады;

22) Министрліктің орталық аппараты өткізетін халықаралық оқу-жаттығуларға, Республикалық командалық-штабтық оқу-жаттығуларға
(«Көктем», «Қыс», «Жер») штабтық жаттығуларға қатысады;

23) «Қазқұтқару» құтқару бөлімшелерінің жиын-семинарларына қатысады;

24) жас құтқарушылар клубтарының (үйірмелерінің) жұмысын ұйымдастырады, облыстық «Жас құтқарушы» слетін өткізеді;

25) Департаменттің Солтүстік Қазақстан облысының терроризмге қарсы жедел штабымен және терроризмге қарсы комиссиясымен өзара іс-қимыл мәселелері жөніндегі қызметін ұйымдастырады;

26) Қазақстан Республикасы Мемлекеттік күзет қызметі өткізетін күзет  шараларын өткізуге қатысады;

27) құтқару техникасы мен авариялық-құтқару жабдықтарын сатып алу үшін техникалық ерекшеліктерді әзірлеуге қатысады;

28) азаматтық қорғау саласындағы волонтерлік қызметті үйлестіруді жүзеге асырады;

29) төтенше жағдайлар мен олардың салдарын жою мәселелері бойынша картографиялық материалдар дайындайды;

30) төтенше жағдайлар мен олардың салдарын жою жөніндегі жұмыстарға ден қою және ұйымдастыру кезінде Департаменттің құрылымдық бөлімшелерінің қызметіне әдістемелік басшылық жасауды және үйлестіруді жүзеге асырады;

31) Департаменттің аумақтық және ведомстволық бағынысты бөлімшелерінің жедел-қызметтік қызметін тексеруге қатысады;

32) Қазақстан Республикасының нормативтік құқықтық актілерінде көзделген өзге де функцияларды жүзеге асырады.

 

3. Басқарманың қызметін ұйымдастыру

 

1. Басқарма заңнамалық актілерге, Қазақстан Республикасы Президентінің актілеріне, Қазақстан Республикасының өзге де нормативтік құқықтық актілеріне сәйкес оның негізгі міндеттері мен функцияларын іске асыру үшін қажетті өкілеттіктерге ие.
2. 2. Басқарманы Департамент бастығы қызметке тағайындайтын және қызметтен босататын бастық басқарады.
3. Басқарма басшысы басқарма қызметіне жалпы басшылықты жүзеге асырады және басқармаға жүктелген міндеттердің орындалуына және оның функцияларын жүзеге асыруға дербес жауапты болады..
4. Басқарма басшысы басқарма басшылығына Басқарманың құрылымы мен штаттық кестесі бойынша ұсыныстар енгізеді.
5. Басқармаға жетекшілік ететін Департамент бастығының орынбасары подполковник М.С.Қанғожинов.
6. 4. Осы мақсаттар үшін бастық:

1) Басқарма қызметкерлерінің міндеттері мен өкілеттіктерін айқындайды;

2) Департамент бастығы айқындайтын өзге де өкілеттіктерді жүзеге асырады.

Басқарманың құзыретіне кіретін мәселелер бойынша Басқарма атынан Басқарманың басқа құрылымдық бөлімшелеріне жіберілетін құжаттарға басқарма басшысы, ал ол болмаған жағдайда - оны алмастыратын тұлға қол қояды.

_____________________________

 

 

 

 

 

 

Дата публикации

17 февраля 2026