Шахтинск қаласында кешенді оқу-жаттығу аяқталды
2023 жылғы 18-19 мамырда Қарағанды облысы Шахтинск қаласының аумағында «Бейбіт және соғыс уақытында төтенше жағдайлардың қауіпі төнген және туындаған кездегі билік органдарының, төтенше жағдайлар қызметінің және халықтың іс-әрекеті» тақырыбында кешенді оқу-жаттығу өткізілді.
Оқу-жаттығуларға Қарағанды облысы Төтенше жағдайлар департаментінің бөлімшелері, Шахтинск қаласы әкімдігінің аппараты, төтенше жағдайлардың алдын алу және жою жөніндегі қалалық комиссия, эвакуациялық іріктеу комиссиясы, азаматтық қорғау қызметтері мен ұйымдары жұмылдырылды.
Өткізген кешенді оқу-жаттығудың мақсаты – бейбіт және соғыс уақытындағы төтенше жағдайлар кезінде басқару органдардың, авариялық-құтқару жұмыстары қызметінің күштері мен құралдарының азаматтық қорғау жүйесінің әртүрлі жұмыс режимдерінде жұмыс жасау, олардың дағдылары мен іс-әрекеттерін жаттықтыру және арттыру.
Оқу-жаттығулар екі кезеңде азаматтық қорғаудың өңірлік жүйесінің жұмыс істеуінің әртүрлі режимдерін және азаматтық қорғаудың әзірлік дәрежелерін енгізу кезінде қызметтер мен ұйымдардың, азаматтық қорғау бөлімшелері басшыларының практикалық іс-әрекет элементтерін әзірлеумен, сондай-ақ бейбіт және соғыс уақытындағы төтенше жағдайлар кезіндегі ықтимал жағдайларды модельдеумен өткізілді. Азаматтық қорғаныс жүйесін бейбіт жағдайдан соғыс жағдайына көшіру кезінде азаматтық қорғау органдары, күштері мен құралдары іс-әрекеттерді жүзеге асырды.
Оқу-жаттығу барысында қабылдау эвакуациялау пунктінің дайындығы тексерілді.
Екі күнге созылған командалық-штабтық оқу-жаттығулардың қорытындысы бойынша қаланың барлық азаматтық қорғау қызметтерінің дайындығы бағаланды.