АТЫРАУ. ҚазАқпарат – Атырау облысында іздестіріліп жатқан 21 жастағы жігіттің аты Ойыл өзенінен өлі табылды, деп хабарлайды ҚазАқпарат тілшісі.
«23 сәуірде далалық жазықтан іздеуге департаменттің 2 қызметкері «Трэкол» көлігімен шықты. Кейін 2 қызметкер жүзу құралымен Ойыл өзенінен іздеді. Кеше сағат 19:00-де өзеннен жоғалған жігіт мініп кеткен аттың өлексесі табылды» , - деп хабарлайды облыстық төтенше жағдайлар департаментінің баспасөз қызметі. Бұдан бұрын Атырау облысында 21 жастағы жігіттің із-түзсіз жоғалып кеткенін жазған едік. Қызылқоға ауданының Тасшағыл ауылында тұратын жігіт 21 сәуірде салт атпен мал іздеуге шыққан. Оның қай бағытқа кеткені туралы дерек жоқ. Оны іздестіру бүгін қайта жалғасты.
Барлық құқықтар қорғалған. inform.kz белсенді сілтемені пайдаланыңыз https://www.inform.kz/kz/atyrau-oblysynda-zhogalgan-zhigittin-aty-ozennen-oli-tabyldy_a3926282