«Республикалық референдум туралы» Қазақстан Республикасы Конституциялық заңының 21-бабы 1-тармағының 7) тармақшасына, 27-бабына сәйкес Қазақстан Республикасының Орталық референдум комиссиясы ҚАУЛЫ ЕТЕДІ:
- Осы қаулыға 1-қосымшаға сәйкес республикалық референдумда дауыс беруге арналған бюллетеньдердің нысаны мен мәтіні бекітілсін.
- Осы қаулыға 2-қосымшаға сәйкес дауыс беруге арналған бюллетеньдердің қорғалу дәрежесі (қызмет бабында пайдалану үшін) белгіленсін.
- Осы қаулыға 3-қосымшаға сәйкес дайындалатын дауыс беруге арналған бюллетеньдердің саны белгіленсін.
- Облыстық, республикалық маңызы бар қалалардың және Республика астанасының референдум комиссиялары дауыс беруге арналған бюллетеньдерді дайындауды және референдум учаскелеріне белгіленген мерзімде жеткізуді қамтамасыз етсін.
- Осы қаулының орындалуын бақылау Қазақстан Республикасы Орталық референдум комиссиясының мүшесі М.М. Бортникке жүктелсін.