«Қазақстан Республикасындағы сайлау туралы» Қазақстан Республикасы Конституциялық заңының 10-бабының 3-тармағына сәйкес және «Қазақстан Республикасының әкімшілік-аумақтық құрылысының кейбір мәселелері туралы» Қазақстан Республикасы Президентінің 2023 жылғы 28 желтоқсандағы № 424 Жарлығының және «Алматы облысының әкімшілік-аумақтық құрылысындағы өзгерістер туралы» Қазақстан Республикасы Президентінің 2024 жылғы 9 қаңтардағы № 432 Жарлығының негізінде Қазақстан Республикасының Орталық сайлау комиссиясы ҚАУЛЫ ЕТЕДІ:
1. Қазақстан Республикасында:
1) Алматы облысы Алатау қаласының аумақтық сайлау комиссиясы;
2) Абай облысы Мақаншы ауданының аумақтық сайлау комиссиясы;
3) Абай облысы Жаңасемей ауданының аумақтық сайлау комиссиясы;
4) Шығыс Қазақстан облысы Үлкен Нарын ауданының аумақтық сайлау комиссиясы;
5) Шығыс Қазақстан облысы Марқакөл ауданының аумақтық сайлау комиссиясы құрылсын.
2. Осы қаулы оған қол қойылған күнінен бастап қолданысқа енгізіледі.