Қазақстан Республикасы Оқу-ағарту министрлігінің Жұмылдыру дайындығы және ақпараттық қауіпсіздік басқармасы туралы ЕРЕЖЕ

Қазақстан Республикасы

Оқу-ағарту министрінің

2023 жылғы «___» ________

№ _____ бұйрығына
№_____қосымша

 

 

Қазақстан Республикасы Оқу-ағарту министрлігінің

Жұмылдыру дайындығы және ақпараттық

қауіпсіздік басқармасы туралы

ЕРЕЖЕ

 

1-тарау. Жалпы ережелер

 

1. Жұмылдыру дайындығы және ақпараттық қауіпсіздік басқармасы
   (бұдан әрі – Басқарма) Қазақстан Республикасы Оқу-ағарту министрлігінің (бұдан әрі – Министрлік) құрылымдық бөлімшесі болып табылады.
2. Басқарма өз қызметінде Қазақстан Республикасының Конституциясын, Қазақстан Республикасының заңдарын, Президенті мен Үкіметінің актілерін, өзге де нормативтік құқықтық актілерді, сондай-ақ осы Ережені басшылыққа алады.
3. Басқарманың құрылымын және штат санын Қазақстан Республикасының заңнамасында белгіленген тәртіппен штат санының лимиті шегінде мемлекеттік органның уәкілетті лауазымды адамы бекітеді.

 

2-тарау. Басқарманың мақсаттары, құқықтары мен міндеттері

 

4. Мақсаты:

1) Министрліктің жұмылдыру дайындығы және азаматтық қорғаныс жұмыстарын ұйымдастыру;  

2) жұмылдыру, әскери жағдай және әскери уақыт режимінде Министрлік қызметінің тиімді көшуін ұйымдастыру;

3) жұмылдыру, әскери жағдай, әскери уақыт кезеңінде Министрліктің құрылымдық бөлімшелерін азаматтық қорғаныс іс-шараларын өткізуге дайындау;

4) жұмылдыру, әскери жағдай, әскери уақыт жағдайында үзіліссіз жұмысқа көшуін қамтымасыз ету; 

5) қызметшілердің әскери-экономикалық және командалық-штабтық оқуларға қатысуын ұйымдастыру;

6) Министрліктің ақпараттық қауіпсіздігін қамтамасыз ету;

7) Министрлікте, оның ведомстволық ұйымдарында және оқу орындарында ақпараттық қауіпсіздік саясатын анықтау;

8) Мемлекеттік құпия болып табылмайтын ақпаратты техникалық қорғау тәсілдері мен құралдарын таңдау;

9) Ақпараттық қауіпсіздікті болжау және уақтылы анықтау;

10) Ақпараттық қауіпсіздікті қамтамасыз ету мәселелері бойынша бағынысты ұйымдардың қызметін үйлестіру және әдістемелік қамтамасыз ету;

11) Құқық қорғау органдарымен, басқа да мемлекеттік органдармен, оның ішінде ақпараттық қауіпсіздікті қамтамасыз ету мәселелері бойынша жедел және техникалық ақпараттармен алмасу жолымен өзара іс-қимыл жасаудың белгіленген тәртібінде жүзеге асыру.  

5. Құқықтары мен міндеттері:

Басқарма өзінің міндеттері мен функцияларын іске асыру мақсатында өз құзыреті шегінде:

1) жұмылдыру жұмысы және азаматтық қорғаныс жөніндегі жоспарларды дайындау және орындау мәселелері бойынша Қазақстан Республикасының мемлекеттік органдарымен өзара іс-қимыл жасауға;

2) жұмылдыру дайындығы және жұмылдыру іс-шараларын өткізуге қатысуға;

3) жұмылдыру жұмысы және азаматтық қорғаныс жөніндегі жоспарларды дайындау және орындау мәселелері бойынша Министрліктің құрылымдық бөлімшелерімен, министрліктермен, ведомстволармен және басқа да ұйымдармен өзара іс-қимыл жасауға;  

4) Басқарма құзыретіне кіретін мәселелер бойынша Министрлік басшылығына ұсыныстар енгізуге;

5) Басқарма құзыретіне кіретін сұрақтар бойынша ведомстволық бағынысты ұйымдардың басшыларының есептерін тыңдауға;  

6) Министрліктің құрылымдық бөлімшелері мен ведомстволық бағынысты ұйымдарының деректер қорын, ақпараттық жүйелерін белгіленген тәртіппен пайдалануға;    

7) Басқарманың құзыретіне кіретін мәселелер бойынша мемлекеттік органдардан, Министрліктің құрылымдық бөлімшелерінен, ведомстволық бағыныстағы ұйымдардан, орталық және жергілікті атқарушы органдардан, ұйымдардан, сондай-ақ өзге де мүдделі ұйымдардан қажетті ақпаратты, құжаттар мен мәліметтерді сұрату және алуға;  

8) жеке және заңды тұлғалар жолданымдарда (арыздарда, шағымдарда), сұрау салуларда, ұсыныстарда, үн қосулар мен хабарларда көтеретін жүйелі мәселелерді талдауды, мониторингілеуді және айқындауды жүзеге асыру;

9) Басқарманың құзыретіне кіретін мәселелер бойынша семинарлар, кеңестер және басқа да іс-шаралар өткізуге;

10) уәкілетті органдармен және ұйымдармен өзара байланыс жасауға құқылы.

Басқарма:

1) Министрлік басшыларының тапсырмаларын белгіленген мерзімде уақытылы және сапалы орындалуын қамтамасыз етуге;

2) Министрлікте ақпараттық қауіпсіздікті қамтамасыз етуге;

3) «Білім туралы», «Жұмылдыру дайындығы», «Ақпараттандыру туралы» Қазақстан Республикасы Заңдарын және ақпараттық қауіпсіздік, азаматтық қорғаныс саласындағы басқа да құқықтық актілердің талаптарын орындауға; 

4) Қазақстан Республикасының заңнамасына сәйкес өзге де міндеттерді жүзеге асыруға;

5) осы Ережемен белгіленген міндеттер мен функцияларды орындауды қамтамасыз етуге міндетті.

6. Функциялары:

1) Министрліктің жұмылдыру жұмысы және азаматтық қорғаныс бойынша жоспарын  әзірлейді және уәкілетті органмен келіседі;

2) Министрліктегі жұмылдыруды даярлау және азаматтық қорғаныс жағдайы бойынша есептерді дайындайды;  

3) жұмылдыруға даярлау және жұмылдыру іс-шараларын өткізуге қатысады;

4) Министрліктің жұмылдыру дайындығы бойынша баға дайындайды;

5) ақпараттық қауіпсіздіктің техникалық құжаттамасының талаптарын орындауды бақылайды;

6) құжаттамалық ақпараттық қауіпсіздікті бақылайды;

7) ақпараттық қауіпсіздікті қамтамасыз ету тұрғысында активтерді басқаруды бақылайды;

 8) бағдарламалық қамтамасыз етуді пайдаланудың заңдылығын бақылау;

9) ақпараттық-коммуникациялық технологиялар саласында тәуекелдерді басқаруды бақылайды;

10) ақпараттық қауіпсіздік оқиғаларын тіркеуді бақылайды;

11) ақпараттық қауіпсіздік бойынша ішкі аудитті жүргізеді;

12) ақпараттық қауіпсіздік бойынша сыртқы аудитті ұйымдастыруды бақылайды;

13) ақпараттық-коммуникациялық технологияларды пайдаланатын бизнес-процестердің үздіксіздігін бақылайды;

14) персоналды басқару үшін ақпараттық қауіпсіздік талаптарын сақтауды бақылайды;

15) «Электрондық Үкімет» ақпараттандыру объектісі бойынша ақпараттық қауіпсіздіктің жай-күйіні мониторинг жүргізеді;

16) қызметтік ақпараттарды бақылау;

17) Қазақстан Республикасының заңдарында, Қазақстан Республикасы Президентінің және Қазақстан Республикасы Үкіметінің актілерінде көзделген өзге де функцияларды жүзеге асырады.  

 

3-тарау. Басқарманың қызметін ұйымдастыру

 

7. Басқарманың Қазақстан Республикасының заңнамалық актілеріне, Президентінің актілеріне және Қазақстан Республикасының өзге де нормативтік құқықтық актілеріне сәйкес өз міндеттерін іске асыру үшін қажетті құқықтары мен міндеттері болады.
8. Басқарманы Қазақстан Республикасының заңнамасында белгіленген тәртіппен лауазымға тағайындалатын және лауазымынан босатылатын басшы басқарады.
9. Басқарма басшысы Басқарма қызметіне жалпы басқаруды жүзеге асырады және оған жүктелген міндеттердің орындалуына және өз өкілеттіктерін жүзеге асыруына дербес жауапты болады.
10. Басқарма басшысы Министрліктің басшылығына Басқарманың құрылымы мен штат саны жөнінде ұсыныстар береді.
11. Басқарманың құзыретіне кіретін мәселелер бойынша Басқарманың атынан басқа құрылымдық бөлімшелерге жіберілетін құжаттарға басшы, ал ол болмаған жағдайда – оны алмастыратын тұлға қол қояды.

_______________________________

Дата публикации

29 декабря 2023