Отбасы күніне іс-шаралар

Ақтөбеде ҚАЖ қызметкерлері Отбасы күніне орай семинар-тренингке қатысты

Халықаралық Отбасы күнін мерекелеуді ұйымдастыру туралы қалың жұртшылықтың назарын отбасы мәселелеріне қарату мақсатында, Біріккен Ұлттар Ұйымының Бас Ассамблеясының жариялауымен 1993 жылдан бастап жыл сайын 15 мамырда «Халықаралық отбасы күні» аталып өтілуде.

Осыған байланысты, «Анаға тағзым» орталығында Ақтөбе облысы бойынша Қылмыстық-атқару жүйесі департаментінің жеке құрамымен Ақтөбе облысының медиатор қоғамының мүшесі, тәжірибелі педагог, «Соттан тыс татуластыру» орталығынының тәжірибелі медиаторы Бибігүл Әбдішүкірқызы Әбілдаевамен «Отбасылық құндылығы» тақырыбында кездесу ұйымдастырылып, семинар-тренинг өткізілді.

Іс- шараға Ақтөбе облысы бойынша ҚАЖ департаментінің қызметкерлері жұбайларымен қатысты. Кездесуде жеке құрамға отбасының негізгі құндылықтары туралы айтылып, ерлі-зайыптылардың қарым-қатынасына қатысты мәселелер талқыланды.