2025 жылғы 29 маусым күні Батыс Қазақстан облысы бойынша Қылмыстық-атқару жүйесі департаментінің қызметкерлері Ұлттық Домбыра күніне арналған ауқымды мәдени іс-шара өткізді.

Мерекелік шараның мақсаты – халқымыздың рухани мұрасы саналатын киелі домбыраның маңызын насихаттау, ұлттық өнерге деген сүйіспеншілікті арттыру, қызметкерлердің патриоттық рухын көтеру болды.

Іс-шара барысында департамент қызметкерлері күй тартып, халық әндерін орындап, көрермендерге ерекше көңіл-күй сыйлады. Сонымен қатар, ұлттық аспаптардың тарихына шолу жасалып, жас қызметкерлерге домбыраның тәрбиелік мәні түсіндірілді.

Домбыра – тек музыка құралы емес, ол – ұлттың болмысы, тарихы мен мәдениетінің айғағы. Осындай іс-шаралар қызметкерлердің бірлігін арттырып, ұлттық рухты нығайтуға септігін тигізеді.

Ұлттық Домбыра күні – ұлы дәстүрімізді ұлықтап, келер ұрпаққа жеткізетін маңызды мереке.