Таңертең МФБК елордалық қызметкерлері Қазақстан Республикасының Гимнін орындады
"Республика күні" қарсаңында 24 қазан күні сағат 10:00-де Денсаулық сақтау министрлігінің медициналық және фармацевтикалық бақылау комитетінің Астана қаласы бойынша департаментінің ұжымы Қазақстанның мемлекеттік Гимнін орындады.
Сонымен қатар, ұлттық мереке аясында Департаменттің жаңадан тағайындалған мемлекеттік қызметшілері Жүрсін Уәлиахметов пен Улмекен Тулебаева ант қабылдады.
Кейін Департамент басшысы Дархан Турлыбеков қосқан үлестері үшін басшының орынбасары Гульнар Габбасова мен бас маман Майра Базылбекованы марапаттады. МФБКД еңбек сіңірген қызметкерлеріне денсаулық сақтау министрі Ажар Гинияттың қолы қойылған ҚР ДСМ-нің грамотасы мен төс белгісі табыс етілді.