Эхинококкоз және алдын алу шаралары

  Эхинококкоз - бұл эхинококк деп аталатын таспалы гельминттен туындаған паразиттік ауру. Адамдарда эхинококкоз инфекциясы эхинококк жұмыртқаларын тамақ пен сумен жегенде пайда болады. Сондай-ақ, ет кесу немесе эхинококк жұқтырған жануарлармен байланыс кезінде жұғады.

Мал шаруашылығымен және жануарларды күтумен айналысатын адамдар, аңшылар,мал сою пункттері және басқаларында эхинококкозбен ауыру қаупі жоғары. Эхинококк көпіршіктері адамның кез-келген мүшесіне әсер етуі мүмкін, көбінесе олар бауыр мен өкпеге әсер етеді. 

Диагноз клиникалық, зертханалық және аспаптық әдістердің көмегімен пациентті толық тексеру негізінде қойылады. Зертханалық әдістерге жалпы қан анализі, кисталардың үлгілерін алу жатады. Аспаптық әдістерден рентгенография, ультрадыбыстық және компьютерлік томография ажыратылады. Эхинококкозды емдеу хирургиялық, кисталарды алып тастау арқылы жүргізіледі.