«Бастауыш, негізгі орта, жалпы орта, техникалық және кәсіптік, орта білімнен кейінгі білім беру, діни білім беру саласында білім беру қызметімен айналысуға лицензия беру» мемлекеттік қызметін көрсету қағидаларын бекіту туралы Қазақстан Республикасы Оқу-ағарту министрінің 2022 жылғы 30 қарашадағы № 483 бұйрығына өзгеріс енгізу туралы» баспасөз-релизі.
«Бастауыш, негізгі орта, жалпы орта, техникалық және кәсіптік, орта білімнен кейінгі білім беру, діни білім беру саласында білім беру қызметімен айналысуға лицензия беру» мемлекеттік қызметін көрсету қағидаларын бекіту туралы Қазақстан Республикасы Оқу-ағарту министрінің 2022 жылғы 30 қарашадағы № 483 бұйрығына өзгеріс енгізу туралы» «Қазақстан Республикасының кейбір заңнамалық актілеріне әйелдердің құқықтары мен балалардың қауіпсіздігін қамтамасыз ету мәселелері бойынша өзгерістер мен толықтырулар енгізу туралы» Заңын іске асыру мақсатында әзірленді.
Бұйрық жобасы Қазақстан Республикасы «Атамекен» Ұлттық кәсіпкерлер палатасына, Қазақстан Республикасы Оқу-ағарту министрлігінің Оқу-ағарту және балалардың құқықтарын қорғау мәселелері жөніндегі қоғамдық кеңесіне, Жеке меншік білім беру ұйымдарының республикалық қауымдастығына және «BilimInvest» білім беру саласындағы инвесторлардың ұлттық қауымдастығы» жеке кәсіпкерлердің және заңды тұлағалардың бірлестігіне қарау және келісу үшін жіберілді.
Бұйрық жобасы Қазақстан Республикасы Президентінің жанындағы Мемлекеттік басқару академиясына сыбайлас жемқорлыққа қарсы ғылыми сараптама жүргізу үшін жіберілді.
Бұйрық жобасы жария талқылау үшін ашық нормативтік құқықтық актілердің интернет-порталына қазақ және орыс тілдерінде орналастырылды.
Осыған байланысты аталған жобаны жария талқылауға қатысуға шақырамыз.