2026 жылдың І жартыжылдығында аумақтық Білім саласында сапаны қамтамасыз ету департаменттеріне педагогикалық әдеп нормаларын бұзуға қатысты жеке және заңды тұлғалардан келіп түскен өтініштерді қарау нәтижесінде 21 әдеп нормасын бұзу фактісі анықталды.
Оның ішінде 15 факті аумақтық департаменттер жанындағы Педагогикалық әдеп жөніндегі кеңестердің отырыстарында қаралып, қарау қорытындысы бойынша тиісті ұсынымдар берілді.
Ал 6 өтініш аумақтық департаменттердің жоспардан тыс тексерулері шеңберінде қаралып, нәтижесінде анықталған бұзушылықтарды жою және жауапты тұлғаларға қатысты тиісті шаралар қабылдау туралы нұсқамалар енгізілді.