Мектепішілік бақылауды ұйымдастыру мәселелері бойынша оқыту семинары

.Департамент ҚР Оқу-ағарту министрлігі Білім саласындағы сапаны қамтамасыз ету комитетінің тапсырмасын орындау мақсатында ү.ж. 30 қарашасында әдістемелік көмек көрсету мақсатында мектепішілік бақылауды ұйымдастыру мәселелері бойынша оқыту семинарын өткізді.
Семинар жұмысына ШҚО бойынша «Өрлеу» педагогикалық қызметкерлердің біліктілігін арттыру орталығы филиалының әдіскері С.Е. Нұркенова, «1000 мектепке әдістемелік көмек» жобасы бойынша іріктелген облыстың 50 мектебінің директорлары, білім беру процесін басқару мәселелеріне жетекшілік ететін білім бөлімдерінің өкілдері қатысты.
Семинардың басты мақсаты - мектепішілік бақылаудың теориялық қана емес, практикалық маңыздылығын талдау, себебі оның негізінде басқарудағы кемшіліктер, оқу процесін дамытудағы жетістіктер анықталады.
Сонымен қатар, 6 бағыт бойынша бақылау шараларын жоспарлауды көздейтін толыққанды мектепішілік бақылаудың басты критерийлері талқыланды:
√ нормативтік құжаттарды орындау және мектеп құжаттарын жүргізу;
√ оқу процесінің сапасы;
√ тәрбие процесінің сапасы;
√ білімдегі олқылықтардың орнын толтыру бойынша жұмыста және үлгерімі төмен оқушылармен жұмыс;
√ оқу-зерттеу қызметі;
√ мұғалімдердің шеберлік деңгейі мен әдістемелік дайындығының жағдайы.
Семинар барысында қызықтырған сұрақтар талқыланып, толық жауаптар берілді.