Түркістан облысының білім саласында сапаны қамтамасыз ету департаменті қызметінің 2025 жылдың мемлекеттік бақылау шаралары бойынша атқарылған жұмыстар есебі

Мемлекеттік бақылау (мемлекеттік аттестаттау, профилактикалық бақылау, жоспардан тыс тексерулер) шаралары

Департаменттің құзыреті білім беру қызметтерінің сапасын қамтамасыз ету мақсатында білім беру ұйымдарына сырттай бағалау жүргізу арқылы білім саласындағы мемлекеттік реттеуді жүзеге асыру, мемлекеттік бақылау шараларын жүргізу және мемлекеттік қызмет көрсету болып табылады.

• Мемлекеттік аттестаттау (бармай профилактикалық бақылау):

Департаменттің негізгі функцияларының бірі ведомстволық бағыныстылығына қарамастан білім беру ұйымдарын мемлекеттік аттестататудан өткізу.

        Мемлекеттік аттестаттау – білім беру ұйымдары ұсынатын білім беру қызметтерінің тиісті білім беру деңгейінің мемлекеттік жалпыға міндетті стандартының талаптарына сәйкестігін бақылау мақсатында жүзеге асырылатын рәсім.

   Департаменттің 2025 жылы мемлекеттік аттестататудан өтетін білім беру ұйымдарынығ тізбесіне сәйкес 460 білім беру ұйымында (200 балабақша, 260 мектеп) мемлекеттік аттестаттау жүргізілді.

Оның ішінде 90 (19,5%) білім беру ұйымы  (71 мемлекеттік, 19 жекеменшік), 26 (13%) мектепке дейінгі білім беру ұйымында (10 мемлекеттік, 16 жекеменшік), 64 (24,6%)  мектеп (61 мемлекеттік, 3 жекеменшік)  мемлекеттік жалпыға міндетті білім беру стандартының талаптарына сәйкес келеді деп есептелініп, аттестатталды.  

Ал, 370 (80,5%) білім беру ұйымы, оның ішінде 196 (75,4%) мектеп (164 мемлекеттік, 32 жекеменшік), 174 балабақша (42 мемлекеттік, 132 жекеменшік) қызметі МЖМБС талаптарына сәйкес келмей, аттестатталмады.

• Қайта мемлекеттік аттестаттау шарасы 2025 жылдың есебі бойынша 400 білім беру ұйымында (44 мектеп, 153 балабақша) жүргізілді.

Оның ішінде, 385 білім беру ұйымының (127 мектеп, 135 балабақша) білім беру қызметі мемлекеттік жалпыға міндетті білім беру стандартының талаптарына сәйкес келіп, аттестатталды.

        Ал, 15 білім беру ұйымының (6 мектеп, 9 балабақша) қайта мемлекеттік аттестаттау нәтижесінде берілген бұзушылықтары толық жойылмай, қайта мемлекеттік аттестаттаудан өтпеді.

        1.3. Оқыту нәтижесіне жүргізілген компьютерлік тестілеу нәтижесі

Департаменттің 2025 жылға арналған мемлекеттік аттестаттауға жататын білім беру ұйымдарының тізіміне сәйкес 249 орта білім беру ұйымында оқыту нәтижелеріне компьютерлік тестілеу жүргізіліп, Департамент қызметкерлері бақылаушы ретінде қатысты.

Өзін - өзі бағалау кезеңінде жүргізілген оқыту нәтижесіне компьютерлік тестілеу барысында бағалау қорытындылары төмендегідей болды:

Жалпы 249 мектептен 19662 оқушыдан тест алынды. Оның ішінде,       

4-сынып бойынша 245 мектептен 9429 оқушы қатысып, оқыту нәтижелерінің көрсеткіші 40%-дан төмен көрсеткіш көрсеткен 3 мектеп (Шардара ауданы "№7 Шардара бастауыш мектеп, арыағаш аудан, №58 Ә.Марғұлан ЖББМ және «Алтын Ұрпақ» бастауыш мектеп бөбекжай балабақшасы» ЖШС);

9-сыныптар бойынша барлығы 232 мектептен 10233 білім алушы қатысып, оң нәтижеге жете алмаған 6 мектеп (Кентау қаласы, №7, №8 мектептер, Келес ауданы, №46 Абай және №20 Т.Бердияров атындағы мектептер,  Бәйдібек ауданы, «Тұрмыс-1» мектебі,  Мақтаарал ауданы, №10 «Асыл мұра» мектебі).

1.4.Бару арқылы профилактикалық бақылау нәтижесі

Бару арқылы профилактикалық бақылау жүргізудің 2025 жылдың есебімен 25 білім беру ұйымында (20 мектеп, 5 балабақша) ағымдағы жылы бару арқылы профилактикалық бақылау жүргізілді.

Нәтижесінде, 21 білім беру ұйымына заң бұзушылықтарды жою туралы нұсқама беріліп, 4 білім беру ұйымының:

2 білім беру ұйымы (мектеп-1, балабақша-1) жабылды («Қостүйін» мектебі, ЖШС «Алинұр» бөбекжай-балабақшасы),

1 мектептің лицензиясы қайтарылды (ЖШС «Арынбек»),

1 балабақшаның    жұмысы     уақытша    тоқтатылды         (ЖШС

«Гаухаралт» бөбекжай-балабақшасы).

Дата публикации

31 декабря 2025