"Елге қызмет" бағдарламасы (МТРК)

«Көрсетілген мемлекеттік қызметтер және мемлекеттік аттестаттау туралы» («Елге қызмет» бағдарламасы)

 

Сұрақ: білім саласында сапаны қамтамасыз ету департаментінің негізгі жұмыс бағыттары туралы атап өтсеңіз.

1. «Білім беру қызметімен айналысуға лицензия беру»;

2. «Білім беру ұйымдарынан шығатын ресми құжаттарға апостиль қою».

«Білім беру қызметіне лицензия беру» мемлекеттік қызмет көрсету нәтижелерін беру және өтініштерді қабылдау» «Электрондық үкімет» веб-порталы арқылы «Е-лицензиялау» ақпараттық жүйесі арқылы жүзеге асырылады. (ҚР БҒМ № 483 бұйрығы «Білім беру қызметімен айналысуға лицензия беру» ережесі).

«Білім беру қызметіне лицензияны қайта ресімдеу – 128 қызмет, «Лицензияға қосымша беру» - 3, «Білім беру қызметімен айналысуға лицензия беру» - 1, «Балалардың білім беру және сауықтыру орталықтарына лицензия және қосымшасын беру» - 11 қызмет, есепті кезеңде барлығы 147 қызмет көрсетілді. «Білім беру қызметіне лицензия беру» қызметі бойынша -1, «Лицензияға қосымша беру» қызметі бойынша біліктілік талаптарына сәйкес келмеу себебі бойынша бас тартылды.

Өтініштерді қараудың оң нәтижелерінің үлесі 97,2% құрайды. Мемлекеттік қызмет көрсету мерзімдерін бұзылуы тіркелген жоқ, көрсетілген қызметтерге шағымдар түскен жоқ.

 «Білім беру ұйымдарынан шығатын ресми құжаттарға апостиль қою» ҚР Білім және ғылым министрінің 2020 жылғы 18 мамырдағы № 209 бұйрығымен регламенттеледі.

Мемлекеттік қызмет көрсетуге өтінішті қабылдау «Азаматтарға арналған үкімет» мемлекеттік корпорациясы «Халыққа қызмет көрсету орталықтары филиалдарының арқылы жүзеге асырылады.

Мемлекеттік қызмет көрсету нәтижесін беру мемлекеттік корпорация арқылы жүзеге асырылады.

1 жартыжылдықта барлығы апостиль саны - 46, оның ішінде ТжКБ - 17, жалпы орта білім -25, негізгі орта білім – 4.  Білім туралы құжаттарға сәйкес қызметке бас тартылған болған жоқ.

Шығу елдері: Ресей, Австрия, Аргентина, Германия, Италия, Испания, Қытай, Корея, Польша, Сербия, Словакия, Түркия, Чехия. Есепті кезеңде мемлекеттік қызмет көрсету сапасына шағымдар және мерзімдерді бұза отырып көрсетілген мемлекеттік қызметтер кездеспеді. Мемлекеттік қызмет көрсету тәртібі туралы ақпарат Департаменттің сайтында және ақпараттық стендтерінде орналастырылған. Консультациялық көмек телефон арқылы жүгінген кезде де көрсетіледі.

Сұрақ: 2027 жылғы 1 қаңтардан бастап Қазақстанда мектепке дейінгі ұйымдарда лицензиялау енгізіледі, осыған байланысты қандай дайындық жұмыстары жүргізілуде?

2027 жылғы 1 қаңтардан бастап Қазақстанда барлық мектепке дейінгі ұйымдарды (мемлекеттік және жеке) міндетті лицензиялау енгізіледі. Меншік түріне қарамастан барлық балабақшалар мен мектепке дейінгі тәрбие мен оқыту орталықтары талапқа сай келуі анықталатын болады. Лицензиялаудың мақсаты-білім берудің қауіпсіздігі мен сапасын арттыру. Лицензияны ресімдеу кезінде аумақтық департаменттер:

қауіпсіздікті: санитарлық нормалар мен өрт қауіпсіздігі ережелерінің сақталуын;

инфрақұрылымды: бейнебақылау және күзет жүйелерінің болуын;

шарттарды: балалардың тамақтануының сапасы мен ұйымдастырылуын;

білім беру процесін: мектеп жасына дейінгі балаларға арналған білім беру бағдарламаларының мазмұны мен деңгейін бағалайды.

Біріншіден: мектепке дейінгі ұйымдар тізімі жасақталды; екіншіден лицензиялау бойынша үш жылға кесте құрылды: 2027жылы-258 мекеме; 2028жылы – 109; 2029 жылы- 62 ұйым.

Облыс бойынша 429 мектепке дейінгі ұйым лицензиялауға жатады, оның ішінде 410 мемлекеттік және 19 жеке меншік. Бүгінгі таңда Департамент нормативтік-құқықтық акт бойынша ақпараттық-түсіндіру жұмыстарын жүргізуде.

Сұрақ: білім беру ұйымдарында жүргізілген профилактикалық бақылау және тексерулер жұмысына тоқталып кетсеңіз.

2026 жылдың бірінші жартыжылдығында мемлекеттік аттестаттау барысында анықталған бұзушылықтар жойылмаған 11 (он бір) мектепке барумен профилактикалық бақылау жүргізілді.

Ұйымдарға барып профилактикалық бақылау жүргізу үшін осы мектептерді Тізбеге енгізу үшін мемлекеттік жалпыға міндетті білім беру стандарттарын жойылмаған бұзушылықтардың болуы негіз болды: педагогтердің тиісті бейін бойынша біліктілікті арттыру курстарынан өту мерзімдерін бұзуы; тиісті бейін бойынша педагогикалық немесе өзге де кәсіптік білімі жоқ педагогтердің болуы; білім берудің әртүрлі деңгейлеріндегі педагог-сарапшылардың, педагог-зерттеушілердің, педагог-шеберлердің үлесінің сәйкес келмеуі; ҰБДБ-дағы деректердің нақты деректерге сәйкес келмеуі; оқу әдебиеті қорының № 216 бұйрыққа сәйкес келмеуі; ерекше білім беру қажеттіліктері бар балаларға арналған оқытуды ұйымдастыруға сәйкес жағдай жасалмауы; оқу жұмыс жоспарының үлгілік оқу жоспарына сәйкес келмеуі және т. б.

Профилактикалық бақылау шеңберінде мемлекеттік аттестаттау барысында анықталған бұзушылықтарды жою тексерілді. 11 мектептің 9-да (81,8%) бұзушылықтар жойылды, аталған мектептерді мемлекеттік аттестаттаудан өтті деп тану туралы шешім қабылданды, мектептерге мемлекеттік аттестаттау қорытындысы бойынша оң қорытынды берілді. Екі мектепте Мемлекеттік жалпыға міндетті білім беру стандарттарының бұзылуы жойылған жоқ, кемшіліктерді жоюға сәкес белгіленген мерзім – 2027 жылғы  ақпан-наурыз айлары.

2026 жылдың бірінші жартыжылдығында жалпы 21 орта білім беру ұйымында мемлекеттік аттестаттау (қайта аттестаттау) барысында анықталған бұзушылықтарды жоюға бақылау жүргізілді.

Барлық мектептер бұзушылықтарды жою жоспарының орындалуы туралы есепті уақтылы ұсынды. Ұсынылған материалдарды талдау анықталған бұзушылықтарды жоюды көрсетті, мектептер мемлекеттік аттестаттаудан өтті деп танылды.

2026 жылдың екінші жартыжылдығында 27 білім беру ұйымдарында мемлекеттік аттестаттаудың жаңа форматы бойынша мемлекеттік аттестаттау жоспарланған. Оның ішінде 18 мектепке дейінгі тәрбие мен оқыту ұйымдарында және 9 мектепте. Бүгінгі таңда 5 балабақша мемлекеттік аттестаттаудан өтіп, оң қорытынды алды, 7 балабақша ағымдағы жылдың соңына дейін бұзушылықтарды жою мерзімдерін анықтады. Қалған 15 білім беру ұйымында бақылау 2026 жылдың соңына дейін жүргізілетін болады