Департаментке бастауыш, негізгі орта, жалпы орта, техникалық және кәсіптік, орта білімнен кейінгі білім беру ұйымдарынан шығатын ресми құжаттарды апостильдеу мемлекеттік қызмет көрсету шеңберінде 2024 жылдың І-жартыжылдығында 1022 өтінім келіп түскен. Оның 813-і бойынша құжаттар апостильденіп, 209 өтінім бойынша қызметті көрсетуден бас тартылды.
Апостильдi қою рәсiмiнiң мақсаты - Гаага конвенциясына мүше-елдердiң аумағында қолдануға арналған апостиленетiн құжаттардың түпнұсқалылығы мен дұрыс ресiмделiнуiне кепiлдiктi қамтамасыз ету болып табылады.
Осы мерзімде 24 мемлекеттің аумағында қолдануға арналған құжаттар апостильденді. Алғашқы үштікте келесі елдер: Италия – 192, Австрия – 103, Корея – 93.