Білім беру ұйымдарын мемлекеттік аттестаттаудан өткізу қағидаларының талаптары таныстырылды

Бүгін 2026 жылғы білім беру ұйымдарын мемлекеттік аттестаттау тізіміне енгізілген Ақтөбе облысының мектепке дейінгі білім беру ұйымдарымен өткізілген семинар (онлайн, офлайн) барысында Қазақстан Республикасы Оқу-ағарту министрінің 2026 жылғы 30 сәуірдегі №114 бұйрығымен бекітілген «Білім беру ұйымдарын мемлекеттік аттестаттаудан өткізу қағидалары» таныстырылды.

📌Қағида «Білім туралы» Қазақстан Республикасы Заңының 55-1-бабы 3-тармағының 1) тармақшасына сәйкес әзірленіп, тиісті деңгейдегі білім беру ұйымдарын мемлекеттік аттестаттаудан өткізу тәртібін айқындайтындығы атап өтілді.

📌Мемлекеттік аттестаттау – білім беру қызметінің тиісті білім беру деңгейінің мемлекеттік жалпыға міндетті стандартының талаптарына сәйкестігін айқындауға бағытталған білім берудің сапасы мен қолжетімділігін кешенді түрде бағалау рәсімі.

📍Осы рәсім негізінде білім беру ұйымдары өзін өзі бағалау жүргізеді. Атқарылған бағалау жұмыстары электронды форматта Департаментке ұсынылады.

📌Департамент ұсынылған өзін өзі бағалау материалдарын жан жақты қарап, заңнама талаптарына сәйкестігін анықтайды.

✅Семинар барысында мектепке дейінгі білім беру ұйымдарының өкілдері жаңа қағида талаптарына сәйкес сұрақтар қойып, кері байланыс жасады.

❗️Сонымен қатар, аталмыш шараны жүргізуде сыбайлас жемқорлық тәуекелдерін болдырмау мақсатында семинар қатысушыларына сыбайлас жемқорлыққа қарсы мәдениетті қалыптастыру, адал еңбек ету, заңды сақтау, әділдік қағидаттарын ұстану туралы мағұлматтар берілді.