Оралда бос жұмыс орындары жәрмеңкесі өтпек
2023 жылдың 23 қарашасы күні сағат 10:00-де БҚО «Еңбек мобильділігі орталығының» ұйымдастыруымен бос жұмыс орындары жәрмеңкесі өтеді.
Жәрмеңкеде 50-ден астам жұмыс беруші қатысып, 500-ге жуық бос жұмыс орны ұсынылады. «2021-2025 жылдарға арналған кәсіпкерлікті дамыту жөніндегі ұлттық жобасы» аясында мемлекеттен қайтарымсыз негізде грант алған кәсіпкерлердің өнімдерінің көрмесі өтеді. Сонымен қатар, мамандар мемлекеттік бағдарламалар бойынша кеңес береді.