2022 жылдың 14-18 наурыз күндері, «Балалар жылы» аясында Хадиша Бөкеева атындағы облыстық қазақ драма театрында алғаш рет балаларға арналған «Наурыз-думан» ертеңгілігі өткізілді. Бұл шараның мақсаты- балаларға халқымыздың салт – дәстүрін, әдет – ғұрпын, ұлттық құндылықтарымызды бойларына сіңіріп, «Наурыз» қазақтың ұлттық мейрамы екенін насихаттау.
Хадиша театрының фойесінде өткен шарада, қатысушы балалар мен кейіпкерлер қызыққа толы ұлттық ойын түрлерін ойнап, салт-дәстүрден көріністер тамашалады.Қазақтың хандары мен батырлары жасырған жұмбақтарды шешіп, мақал-мәтелдер мен жаңылтпаштар айтып жарысты. Қызыр атаның батасын алып, «наурыз қоржыннан» кәде сыйлар таратылды.