Батыс Қазақстан облыстық мәслихаты депутаттарының жетінші шақырылымына кезекті сайлаудың қорытындысы туралы
ХАБАРЛАМА
2021 жылғы 10 қаңтарда бірыңғай сайлау округінің аумағы бойынша Батыс Қазақстан мәслихаты депутаттарының кезекті сайлауы өтті.
Облыс бойынша сайлаушылар тізіміне 453929 азамат енгізіліп, оның 283269 немесе 62,4 пайызы сайлау бюллетеньдерін алды.
Дауыс беруге 279020 адам қатысты, оның ішінде есептен шығару куәліктері бойынша 1075 сайлаушы дауыс берді, дауыс беруге арналған үй-жайлардан тыс жерде 12523 сайлаушы дауыс берді.
Сайлауға 4 саяси партия қатысты.
Саяси партиялар үшін дауыс беру кезінде мынадай дауыс саны берілді:
"Nur Otan" партиясы-222616 дауыс немесе қатысқан сайлаушылар дауысының 81,25 пайызы құрады;
"Ауыл" халықтық-демократиялық патриоттық партиясы-22669 дауыс немесе дауыс беруге қатысқан сайлаушылар дауысының 8,27 пайызы;
Қазақстанның "Ақ жол" демократиялық партиясы-22967 дауыс немесе дауыс беруге қатысқан сайлаушылар дауысының 8,38 пайызы;
"ADAL" саяси партиясы-5746 дауыс немесе дауыс беруге қатысқан сайлаушылар дауысының 2,1 пайызы.
1. Дауыс беруге қатысқан сайлаушылар дауысының жеті және одан да көп пайызын алған саяси партиялар:
"Nur Otan" партиясы – 81,25%;
"Ауыл" халықтық-демократиялық патриоттық партиясы – 8,27%;
Қазақстанның "Ақ жол" демократиялық партиясы – 8,38%.
2. Саяси партиялар үшін депутаттық мандаттарды төмендегідей бөлу белгіленді:
Nur Otan " партиясы – 25;
"Ауыл" халықтық-демократиялық патриоттық партиясы-3;
Қазақстанның "Ақ жол" демократиялық партиясы – 3.
Батыс Қазақстан облыстық аумақтық сайлау комиссиясы