«Қазақстан Республикасындағы сайлау туралы» Қазақстан Республикасының Конституциялық заңы 28-бабының 3-тармағына сәйкес бұқаралық ақпарат құралдары мен онлайн-платформаларды пайдаланушылар сайлау алдындағы үгіт жүргізу басталғанға дейін кемінде бес күн бұрын, яғни 2026 жылғы 27 қазаннан кешіктірмей, шарттық негізде ұсынатын сайлау алдындағы үгіт материалдарын орналастыру ақысының мөлшері мен шарттары туралы мәліметтерді жариялап, сондай-ақ оларды Аумақтық сайлау комиссиясына ұсынуға тиіс.
Шарт негізінде эфир уақытын, баспа бетін және ақпарат көлемін беретін бұқаралық ақпарат құралдары мен онлайн-платформаларды пайдаланушылар сайлау алдындағы үгіт материалдарын орналастыру ақысының мөлшері мен шарттары туралы мәліметтер жарияланғанға дейін партиялық тізімдерін ұсынған саяси партиялардың сайлау алдындағы үгіт материалдарын орналастыруға және таратуға құқылы емес.
Сайлау алдындағы үгіт материалдарын орналастыру ақысының мөлшері мен шарттары туралы мәліметтерді келесі электрондық пошта мекенжайға жолдауға болады: tic_zko_obl@saylau.kz
Батыс Қазақстан облыстық аумақтық сайлау комиссиясы