Халықты Отбасын қолдау орталығының қызметі туралы ақпараттандыру, сондай-ақ отбасы институтын нығайту мәселелері Батыс Қазақстан облысы әкімінің жанындағы Әйелдер істері және отбасылық-демографиялық саясат жөніндегі комиссия өкілдері Т.В. Рогозина, Г.Б. Шүкеева және М. Дәулетиярова қатысқан жұмыс сапарының негізгі тақырыптары болды.
Жұмыс сапары барысында Комиссия өкілдері Теректі ауданының Отбасын қолдау орталығына, Жұмыспен қамтуды және әлеуметтік бағдарламаларды үйлестіру бөліміне, сондай-ақ аудандық полиция бөлімінің құқық бұзушылықтардың алдын алу жөніндегі профилактика кабинетіне барды.
Сонымен қатар, аудандық кітапханада аудан тұрғындары, Отбасын қолдау орталығының қызметкерлері және Теректі ауданы әкімдігінің өкілдері қатысқан тақырыптық кездесуге қатысып, оның барысында мемлекеттік отбасылық-демографиялық саясатты іске асыру, отбасындағы келеңсіз құбылыстардың алдын алу және отбасылық құндылықтарды дәріптеу шаралары талқыланды.
Жұмыс сапары аясында ведомствоаралық өзара іс-қимылды зерделеуге, сондай-ақ отбасы институтын нығайту бағытындағы бірлескен жұмыстың тиімділігін арттыруға ерекше назар аударылды.