Жергілікті атқарушы органдардың отбасылық-тұрмыстық зорлық-зомбылықтың алдын алу жөніндегі жұмыс жүйесі ведомствоаралық өзара іс-қимылға, тәуекелдерді ерте анықтауға және зардап шеккендерді қорғауға негізделген. Бұл жұмыстың маңызды құрамдас бөлігі – Отбасын қолдау орталықтары.
Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның «Отбасыларды қолдау орталықтарының қызметі туралы халықты ақпараттандыру, БАҚ-ты, әлеуметтік желілерді, сондай-ақ цифрлық жарнамалық шешімдердің мүмкіндіктерін кеңінен пайдалану жұмыстарын қамтамасыз ету туралы» хаттамалық тапсырмасын орындау мақсатында 31 шілде күні Әйелдер істері және отбасылық-демографиялық саясат жөніндегі облыстық комиссия мүшелері А.Ө.Салиева, Т.В.Рогозина, Г.Б.Шукеева Қалалық орталықта болды.
Сапар барысында Орал қаласы әкімдігінің ішкі саясат бөлімінің, құқық қорғау органдарының өкілдерінің белсенді қатысуымен орталықтың басшылығымен және қызметкерлерімен, келушілермен сындарлы әңгіме өтті. Орталық ұсынатын қызметтер туралы халықты ақпараттандыру жұмыстарын алдын алу субъектілерімен, оның ішінде үкіметтік емес ұйымдармен тығыз өзара іс-қимыл жолға қойылғаны анықталды. Кездесу барысында бірқатар қосымша шаралар да бірлесіп әзірленді.
Жұмыс жалғасуда.
Анықтама үшін: Азаматтар түсініктеме алу үшін жергілікті әкімдікке, ішкі саясат немесе жұмыспен қамту және әлеуметтік бағдарламалар бөліміне, ішкі істер органдарына және тікелей Н.Назарбаева көшесі, 161 мекенжайында орналасқан Отбасын қолдау орталығына жүгіне алады.