Мемлекет басшыларының қатысуымен өткен Қазақстан мен Ресейдің ХХІ өңіраралық ынтымақтастық форумы өз жұмысын аяқтады.
ХХІ форумның бағдарламасы өте ауқымды болды, атап айтқанда: панельдік сессиялар, колледждер мен кәсіпорындардың көрмелері, Ресей-Қазақстан іскери кеңесінің отырысы, диалогтық алаңдар және т.б.
Сонымен қатар Бағдарламада екі тақырыптық секция жұмыс істеді: «Жастарға арналған жұмысшы кәсіптердің тартымдылығы мен трендтері» және «Еріктілер саласында тәжірибе алмасу». Оған екі елдің мемлекеттік органдарының, жастар делегациясының өкілдері, бизнесмендер, қоғам қайраткерлері қатысты. Спикерлер құрамы да әралуан болды, соның ішінде ҚР Мәдениет және ақпарат министрлігі Жастар және отбасы істері комитеті төрағасының орынбасары Б.Н.Алимжанов. Қатысушылар еңбек нарығындағы тенденциялар, кәсіпкерлік, кәсіптік белсенділікті арттыру жолдары, экологиялық жауапкершілік және еріктілер мәдениеті мәселелерін қарастырып, гендерлік аспектілер есебімен жастар саясаты және тұлғалық өсу саласындағы жобаларды талқылады, еларалық өзара іс-қимыл нүктелерін айқындады.
ХХІ форумының қатысушысы, ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия төрағасының орынбасары Е.И.Тарасенко: Бұл Форум пікір алмасу алаңы ғана емес, нақты идеяларды іске асыру үшін мүмкіндіктер ашатын әріптестік кеңістігі болып табылады. Форум барысында қатысушылар өз салалары бойынша үздік тәжірибелерімен бөліседі, бірлесе жаңа бастамалар жоспарлайды, бұл қоғамның орнықты дамуына қосатын кешенді үлестің кепілі болып саналады және ортақ жауапкершілікті нығайтады» деп атап көрсетті.