2025 жылғы 23 қыркүйекте Батыс Қазақстан облысы әкімдігі жанындағы Кәмелетке толмағандардың істері және олардың құқықтарын қорғау жөніндегі комиссия хаттамасын орындау мақсатында, сондай-ақ Балалар құқықтары жөніндегі уәкілдің бастамасы негізінде Батыс Қазақстан облысында бірыңғай облыстық «Балалардың болашағы үшін бірге!» атты челлендж өткізілді.
Челлендждің негізгі мақсаты — балалардың құқықтарын қорғау, қауіпсіз және қолайлы орта қалыптастыру, қоғам назарын өскелең ұрпақты тәрбиелеу мәселесіне аудару және ата-аналардың балалардың болашағына деген жауапкершілігін арттыру.
Аталған бастамаға білім беру ұйымдары, ата-аналар қауымдастығы, мемлекеттік органдар, түрлі сала мамандары, сондай-ақ AMANAT партиясының өңірлік өкілдері белсенді қатысты.
Бұл челлендж әрбір ересек азаматты баланың тағдырына бейжай қарамауға шақырған маңызды үндеу болды.
Челлендж аясында түрлі ақпараттық, тәрбиелік және алдын алу іс-шаралары ұйымдастырылды.
2025 жылғы 23–26 қыркүйек аралығында акция облыстың барлық аудандарында өткізілді.
Нәтижесінде, челленджге 1320-дан астам оқушы мен ересек қатысушы атсалысып, Facebook және Instagram , Tik-tok әлеуметтік желілерінде 300-ден астам жарияланым орналастырылды.