Жиынға облыстық және Ақжайық аудандық комиссия мүшелері, өңірдегі барлық аудан әкімдерінің орынбасарлары – аталған комиссиялардың төрағалары, прокуратура өкілдері, құқық қорғау органдары, салалық басқармалар мен департаменттердің мамандары, құқық қорғаушылар, депутаттар және қоғам қайраткерлері қатысты.
Отырыста құқық қорғау саласындағы өзекті мәселелер талқыланды:
балалар арасында аутодеструктивті мінез-құлықтың, буллингтің алдын алу, оның ішінде заңнамалық және практикалық шаралар, сондай-ақ білім беру ұйымдарында қауіпсіз орта құру, отбасылық тәрбие;
балалардың құқықтарын қорғау саласында цифрландыру мен жасанды интеллектіні пайдалану, соның ішінде қолданыстағы тәжірибені дамыту арқылы мониторинг пен кері байланысты жетілдіру – «Комек Stop bullying» жүйесі;
өңірлік «Ментор» жобасын жергілікті деңгейде іске асыру, онда негізгі тұлғалар – бала және ішкі істер органдары ардагерлерінен құралған тәлімгер;
аудандық комиссиялардың жұмысын ведомствоаралық өзара іс-қимыл тұрғысынан талдау және басқа да көптеген мәселелер.
Отырыстың қорытындысы бойынша басымдықтар айқындалып, бірқатар нақты тапсырмалар берілді.