Ағымдағы жылдың 21 ақпанында облыс әкімінің орынбасары К.Е.Мендіғалиевтың басшылығымен БҚО әкімдігі жанындағы кәмелетке толмағандардың істері және олардың құқықтарын қорғау жөніндегі комиссиясының отырысы өтті.Комиссия жұмысына облыстағы Батыс Қазақстан облысы бойынша бала құқықтары жөніндегі өкіл, Қазақстан Республикасы Адам құқықтары жөніндегі өкіл, аудан және Орал қаласы әкімдерінің орынбасарлары, оның тұрақты мүшелерімен бірге тиісті департаменттер мен басқармалардан келген өкілдер қатысты.Кездесу барысында балалар арасындағы суицидке қатысты ағымдағы жағдай және жасөспiрiмдердiң арасындағы суицидтiк мiнез-құлқының алдын алу, болдырмау бойынша қабылданып жатқан ведомствоаралық шаралар талқыланды.«Батыс Қазақстан облысындағы мектептер мен колледждерде оқушылардың суицидтік қаупі мен заңсыз мінез-құлқының алдын алу”жобасыныңтұсаукесері ерекше назарға алынды. Отырыс қорытындысы бойынша нақты тапсырмалар берілді.