Жаңа жыл қарсаңында Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссиясының төрайымы А.Г.Балаева өңірлік комиссиялардың жұмысына белсенді қатысып жүрген тұлғаларға ерен еңбектері үшін алғысын білдірді.
Батыс Қазақстан облысында марапаттау рәсімі әкімдіктің Астана залында өтті. Іріктелгендер қатарына «Қазақстан» республикалық телерадио кешені Батыс Қазақстан облыстық филиалының директоры Қамбетова Клара Мусақызы, БҚО полиция департаменті жергілікті полиция қызметінің бастығы Сұлтанғалиев Ернар Тимурұлы, БҚО денсаулық сақтау басқармасы басшысының орынбасары Губайдуллина Айнаш Жұбанышқызы болды.
Аталған іс-шараға облыс әкімінің орынбасары Қ.Е.Меңдіғалиев, сондай-ақ облыс әкімінің кеңесшілері қатысты.