Батыс Қазақстан облысы әкімі жанындағы әйелдер істері және отбасылық-демографиялық саясат жөніндегі комиссияның жұмыс жоспарына сәйкес ағымдағы жылдың 27 қарашасында Бәйтерек ауданында Іскер әйелдер форумы болып өтті. Аталған Форумды ұйымдастырушылар аудан әкімдігі және «Атамекен» кәсіпкерлер палатасының облыстық филиалы жанындағы іскер әйелдер кеңесі болып табылады. Форумға Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссия төрағасының орынбасары Е.И.Тарасенко қатысып, құттықтау сөзін сөйледі.
Форумда аудан әкімі М.Л.Тоқжанов, сондай-ақ өңірдің табысты кәсіпкерлері Г.Әлімгерей, А.Кинжеева, Ш.Куспаева, А.Ижанова, Л.Сейткереева және тағы басқа спикерлер сөз сөйледі. Форум бағдарламасы әралуан болып, соңында әйелдерге сіңірген еңбектері үшін алғыс хаттар, бағалы сыйлықтар табыс етілді.
Қатысушылар үшін Бәйтерек және Ақжайық аудандарының әйел кәсіпкерлерімен өндірілген тауарлар және жасалған бұйымдар көрмесі ерекше болды.