Ағымдағы жылдың 6 тамызы күні Батыс Қазақстан облысы әкімінің орынбасары К.Мендигалиевтің төрағалығымен Кәмелетке толмағандардың істері және олардың құқықтарын қорғау жөніндегі комиссияның «Жазғы кезеңде балалардың қауіпсіздігін қамтамасыз ету» тақырыбындағы отырысы өткізілді. Аталған отырысқа комиссияның тұрақты мүшелерімен бірге БҚО төтенше жағдайлар департаментінің, БҚО еңбек инспекциясы бойынша басқармасының, БҚО санитариялық-эпидемиологиялық бақылау департаментінің, «IT Group Kazakhstan» ЖШС, облыстық қоғамдық кеңесінің өкілдері, сондай-ақ барлық аудандар және Орал қаласы әкімдерінің орынбасарлары қатысты. Отырысқа қатысушылар өңірде қалыптасқан жағдай барысын талқылады. Су тоғандарында, қала сыртындағы лагерьлерде балалардың қауіпсіздігін қамтамасыз ету, балалар еңбегін қанауды болдырмау және балалардың жұмыспен қамтылуы сияқты шешуші бағыттар бойынша «Балалар қауіпсіздігі» облыстық акциясы іс-шараларының іске асырылу сапасына баса назар аударылды. Жұмыс қорытындысы бойынша жауапты органдарға нақты тапсырмалар беріліп, ата-аналар тарапынан балаларды жан-жақты бақылаудың маңыздылығы атап көрсетілді.