11 шілдедегі Батыс Қазақстан облысы Шыңғырлау ауданы
Амангелді станциясында «Саламатты Қазақстан» пойызының ұжымы өз жұмысын бастады, онда 200ден астам адам тұрады.
Денсаулық пойызының жұмысы ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның, сондай-ақ ҚР Денсаулық сақтау министрлігі мен «Самұрық-Қазына» АҚ-ның бастамасы мен қолдауының арқасында мүмкін болды. Жылжымалы құрам бригадасының негізгі мақсаты шалғай аудандар мен ауылдарда тұратын азаматтарға медициналық, психологиялық, құқықтық және медиациялық көмек көрсету және тексеру болып табылады.
Шыңғырлау ауданында білікті мамандар тобы 2 күн бойы жұмыс істейтін болады.
«Саламатты Қазақстан» денсаулық пойызы жұмысының басталуы салтанатты ашылумен атап өтілді. Оған Шыңғырлау ауданы әкімінің орынбасары Миржан Нұртазиев, әйелдер істері және отбасылық-демографиялық саясат жөніндегі аудандық комиссияның белсенді өкілдері қатысты.
Медициналық пойыздың бас дәрігері Айнұр Егінбаева және заңгер Айшат Ғаббасова тұрғындарға қандай көмек көрсетілетінін, қызмет көрсету тетігін түсіндірді. Барлық қызметтердің тегін екендігіне назар аударылды. Қажет болған жағдайда мобильді топ та тартылатынын тілге тиек етті. Сонымен қатар шара қатысушыларына Шыңғырлау ауданының аналар кеңесінің төрайымы Ктабия Абдугазиева тілегін жеткізді.
Шараға ауыл тұрғындарымен қатар, облыс әкімі аппаратының бас инспекторы, БҚО әкімі жанындағыӘйелдер істері және отбасылық-демографиялық саясат жөніндегі комиссия хатшысы Татьяна Рогозина аудан әкімінің орынбасары,Батыс Қазақстан облысының қоғамдық даму басқармасының басшысы Гулжанар Шукеева, Шыңғырлау аудандық орталықтандырылған аурухана директорының уақытша м.а Алтынзер Бекжанова қатысты.
Ауыл тұрғындары пойыз қызметкерлеріне күш-жігері мен кәсібилігі үшін, «Саламатты Қазақстан» маңызды жобасына қатысқандары үшін алғыстарын білдірді.
Кездесу алғашқы тексеру және жедел көмек көрсету үшін заманауи жабдықтармен жабдықталған медициналық вагондарға барумен жалғасты.
Мобильді бригаданың жұмыс кестесі сағат 9.00-ден 18.00-ге дейін.
Батыс Қазақстан облысы Шыңғырлау ауданы Амангелді станциясындағы
«Саламатты Қазақстан» денсаулық пойызына Қатысушылар тізімі
1.Нұртазиев Миржан Жанғазыұлы-Шыңғырлау ауданының әкімінің орынбасары;
2.Бекжанова Алтынзер Муратовна-Шыңғырлау аудандық орталық ауруханасының басшысының у.м.а;
3.Ащысай ауылдық округінің әкімі-Айсиев Жасқайрат Гайниевич;
4.Абдугазиева Ктабия Скендірқызы-Аудандық аналар кеңесінің төрайымы.