Ағымдағы жылдың 30 мамыры күні облыс әкімдігінде облыс әкімі аппараты басшысының орынбасары Ж.Ғұмаровтың төрағалығымен «Саламатты Қазақстан» пойызын Батыс Қазақстан облысында қарсылауға және жұмысын сүйемелдеуге дайындық мәселелері бойынша жұмыс кеңесі өтті.
Кеңеске облыстық қоғамдық даму және денсаулық сақтау басқармаларының басшылары, Батыс Қазақстан облысы полиция департаментінің, ҚР ІІМ Көліктегі полиция департаментінің Орал стансасы желілік полиция бөлімшесінің өкілдері, Бөрлі, Тасқала, Теректі, Шыңғырлау, Бәйтерек аудандары және Орал қаласы әкімдерінің орынбасарлары қатысты.
Жалғас Ахатұлы өз сөзінде «Саламатты Қазақстан» пойызы – бірегей жоба. Аталған жоба ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссиямен, ҚР Денсаулық сақтау министрлігімен және «Самұрық-Қазына» АҚ іске асырылуда. Оның толыққанды жұмыс істеуі үшін жағдайлар жасауды қамтамасыз ету біздің бірінші кезектегі міндетіміз болып табылады. Бұл ретте, тұрғындарды аталған пойызда көрсетілетін қызметтер, кестесі туралы хабардар ету, келуге ниет білдіргендердің барлығына жағдайлар туғызу жұмыстарын атауға болады. Ең алдымен, әлеуметтік осал топтағы тұрғындарға, көп балалы аналарға, мүгедек балалары бар аналарға, өмірлік қиын жағдайға тап болған әйелдерге баса назар аудару қажет. Біздің міндетіміз осындай қызметті алуға мұқтаж адамдардың тексеруден өтіп, медициналық, психологиялық, құқықтық және медиативтік көмекті алуларына барынша қолдау білдіру шараларын қабылдау болып табылады. Бұл пойыз өңіріміздің ең шалғай және шағын стансаларын қамтитын болады», - деп атап көрсетті.
Кеңес барысында барлық қатысушыларға тиісті тапсырмалар берілді.