2024 жылдың 2 маусымында Батыс Қазақстан облысы Ақжайық ауданы Қарауылтөбе ауылдық округі, Бөрлі ауданы Бумакөл ауылдық округі, Жәнібек ауданы Қамысты ауылдық округі, Тасқала ауданы Достық ауылдық округі, Орал қаласы Деркөл кенті әкімдерінің өкілеттігі аяқталуына байланысты және Сырым ауданы Жетікөл ауылдық округі әкімінің өкілеттігі мерзімінен бұрын тоқтатылуына байланысты әкім сайлаулары тағайындалды.
22 кандидат ұсынылды, 3-уі «AMANAT» партиясынан, 19-ы өзін-өзі ұсынғандар.
22 кандидаттың 15-і мемлекеттік қызметшілер, 4-уі бюджет саласынан, 3-уі жұмыста жоқ.
Кандидаттардың орта жасы 36,6 жас, ең жас кандидат 25 жаста, жасы үлкені 58 жаста.
9 (40,9%) - кандидат ауылдық округтің тұрғыны, 13 (59,1%) – аудан аумағында тұрады.
А.ж. 13 мамырдағы жағдай бойынша 18 кандидат тіркелді.
Біліктілік талаптарына сай келмеуіне байланысты 4 кандидатты тіркеуден бас тартылды.