Облыстағы криминогендік жағдайды сауықтыру, отбасылық-тұрмыстық қатынастар саласындағы құқық бұзушылықтарға жол бермеу мақсатында ағымдағы жылдың 15-26 қаңтар аралығында облыс аумағында "Тұрмыс" республикалық жедел алдын алу іс-шарасы өткізіледі. Оған облыстық әйелдер істері және отбасылық-демографиялық саясат комиссиясының өкілдері де қатысады.
3 күннің қорытындысы бойынша ішкі істер органдарына ІІО-ның есебіне 59 азамат қойылды. Бұдан басқа, алкогольге тәуелділігі бар адамдарды мәжбүрлеп емдеу туралы қарау үшін сотқа 2 материал жіберілді. Алкогольді ішімдіктерді ішу, отбасылық-тұрмыстық қатынастар саласында құқыққа қайшы әрекеттер жасау, денсаулыққа жеңіл зиян келтіру сияқты ұсақ құқық бұзушылықтардың жолын кесу жұмыстары күшейтілді. Тұрмыстық зорлық – зомбылық фактілері бойынша бір қатар шаралар атқарылды: 99 қорғау ұйғарымы шығарылды, құқық бұзушының мінез-құлқына 32 ерекше талап қойылды, оның ішінде 27-сі алкоголь ішуге тыйым салынды. Отбасылық-тұрмыстық салада құқық бұзушылық жасағаны үшін 88 адам әкімшілік жауапкершілікке тартылды.
Денсаулық сақтау мекемелерімен бірлесіп медициналық мекемелерде тұрмыстық зорлық-зомбылық объектілеріне айналған азаматтардың өтініштерін анықтау бойынша жұмыс ұйымдастырылды.
Жедел-профилактикалық іс шара жүргізу барысында өмірлік қиын жағдайға тап болған 12 отбасы анықталды. Отбасыларға мемлекеттік органдар мен ұлттық емес үйымдар тарапынан қажетті көмек ұйымдастырылды. Қала және аудан әкімдіктері жанындағы кәмелетке толмағандардың істері және олардың құқықтарын қорғау жөніндегі комиссияға 8 материал жолданды.