Ағымдағы жылдың 22 тамызында Батыс Қазақстан облысы әкімдігінде өңір басшысы Н.Т.Төреғалиев пен Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссия төрағасының орынбасары Е.И.Тарасенконың жұмыс кездесуі өтті.
Отырыс барысында Қазақстан, Қырғызстан, Тәжікстан және Өзбекстан үшін ЮНЕСКО-ның Кластерлік бюросымен өзара түсіністік туралы меморандумына сәйкес Қазақстан Республикасы Білім министрлігі Дене шынықтыру ұлттық ғылыми-практикалық орталығы жүзеге асырып жатқан «Қазақстандағы сапалы дене тәрбиесі» жобасы аясында 8 қыркүйекте Батыс Қазақстан облысында семинар-тренинг өткізу мәселесі қаралды .Сондай-ақ тараптар, қыркүйек айында облыс орталығында балалар мен жастардың бойында азаматтық пен патриоттық сезімді тәрбиелеу, отбасы құндылықтарын насихаттау мақсатында «Менің Отаным – Қазақстан» туристік топтардың республикалық слетін ұйымдастыру мәселесін де талқылады. Қорытынды бөлімде одан әрі сындарлы ынтымақтастық перспективалар белгіленді. Талқылауға Батыс Қазақстан облысы әкімінің орынбасары Б.Х.Нарымбетов пен облыстық білім басқармасының басшысы А.А.Мыңбаева қатысты.