15 шілдеде Оралда Іскер әйелдер форумы отбасы күні меркесін атап өтті. Шараны облыс әкімі жанындағы Әйелдер істері және отбасылық-демографиялық саясат жөніндегі комиссияның қолдауымен Батыс Қазақстан облысының іскер әйелдер қауымдастығы ұйымдастырды. Форумның мақсаты – осындай іс-шаралар арқылы жақсы отбасылық, ұлттық салт-дәстүрлерді ашу, өңірдегі іскер әйелдердің мәртебесін көтеру, жастарды қазақстандық патриотизмге, еңбексүйгіштікке, үлкенді, отбасын құрметтеуге тәрбиелеу.
«Атамекен» өнер сарайы Орал өңірінен, сондай-ақ көршілес Атырау, Ақтөбе облыстарынан кәсіпкерлік пен қоғамдық өмірдегі ең белсенді әйелдері жиналды. Форумның құрметті қонақтары Қазақстан Іскер әйелдер қауымдастығының президенті Раушан Сәрсембаева, Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссия төрағасының орынбасары Елена Тарасенко, саясаткер Динар Нұркетаева, еліміздің белгілі ақыны Ақұштап Бақтыгереева қатысты. Шараға қатысқан аймақ басшысы Нариман Төреғалиев әйелдер қауымын мерекемен құттықтап, әр салада табыс тіледі.