Ауыл шаруашылығы министрлігі жер кадастрын ашу туралы ұсынысқа жауап берді

ҚР Ауыл шаруашылығы вице-министрі Рүстем Құрманов жер кадастрын ашу мүмкіндігіне түсініктеме берді, деп хабарлайды «ҚазАқпарат» ХАА тілшісі.

«Жер кадастрына қатысты кейбір мәселелер бар. Біз қазір Әділет министрлігінің бірнеше жылдар бойы ауылшаруашылық жерлерін пайдаланбайтын немқұрайды жер пайдаланушыларды ашық түрде орналастыру туралы ресми ұстанымын сұрадық. Біз оларды мемлекеттік қызметкерлер ретінде білеміз. Біз оларға қатысты тиісті жұмыстар жүргізіп жатырмыз. Бұл пайдаланылмаған жерлерге салықтың өсуіне және бақылау шараларына байланысты. Бірақ жұртшылық мұны көрмейді», – деп Рүстем Құрманов «Қазақстан Республикасының кейбір заңнамалық актілеріне жер қатынастары мәселелері бойынша өзгерістер мен толықтырулар енгізу туралы» заң жобасы бойынша жұмыс тобының отырысында айтты.

Оның айтуынша, жұртшылық көретін максимум – бұл жер учаскесі және оның кадастрлық нөмірі.

«Бірақ кадастрлық нөмірдің астында кім және не жасырынып жатқанын жұртшылық көрмейді. Қолданыстағы заңнамаға сәйкес жеке деректерді тарату мәселелері бар. Дербес деректерді тарату адамның өзінің не оның ресми заңды өкілінің келісімімен жүргізіледі. Сондықтан, түсініктеме алған соң, біз бұл мәселені қарастыруға дайынбыз. 25 наурызда Мемлекет басшысының тапсырмасы бойынша жер комиссиясы басталады, онда бірінші кезекте қазақстандықтарға қатысты мәселелер қаралатын болады. Өйткені шетелдіктер бойынша Мемлекет басшысы соңғы саяси шешім қабылдады», – Р. Құрманов уәде берді.

Естеріңізге сала кетейік, бүгін белгілі қоғам қайраткері Мұхтар Тайжан жер кадастрын ашып, ҚР азаматтығы бойынша талаптарды күшейтуді ұсынды.

Дереккөз: www.inform.kz