Фараби философиясы  мәңгілік

Фараби философиясы  мәңгілік

Елімізде 2007 жылдан бастау алған «Бір ел – бір кітап» республикалық акциясы бүгінгі күнге дейін жалғасын табуда. Акцияның негізгі мақсаты – әр жылда ең үздік деп таңдалған шығармаларды ел болып оқу. Биылғы жылы «Бір ел – бір кітап» акциясы аясында үздік деп танылған шығармалар шығыстың ғұлама ой- шылы, әмбебап ғалым Әбу Насыр әл-Фарабидің 1150 жылдық мерейтойы қарсаңында Ә.Әлімжановтың «Ұстаздың оралуы» рома- ны мен қазақ халқының ұлы ақыны, ағартушы Абай Құнанбайұлының 175 жылдығына орай М.Әуезовтің «Абай жолы» роман-эпопеясы оқуға таңдап алынған болатын. Осы акция аясында аудандық кітапханаға Әбу Насыр әл-Фарабидің көптомдық жинағы түсті. Бұл кітаптардан шығыстың ғұлама ойшылының өнегелі өмірі мен рухани мұрасының мол әрі көпқырлылығы туралы сыр шерткен деректермен толық танысуға болады. Жалпы бұл шығармалардан әл-Фараби қазақ халқының ғана емес, бүкіләлемдік өркениеттің рухани игілігі, ислам және әлем философиясының жарық жұлдызы екендігін танып білеміз.

К.БИҒАЛИЕВА, ақпараттық-библиография бөлімінің басшысы