Қоржындары жаңалыққа толды
«Ұзынкөл» бөбекжайында «Мектепке дейінгі тәрбие мен оқыту: инновация және тәжірибе» тақырыбында аудандық семинар өткізілді. Семинарға мектепке дейінгі ұйымдардың басшылары, әдіскерлері, тәрбиешілері мен педагогтері қатысты. Семинар барысында педагогтер «Мектепке дейінгі білім беру жүйесінде В.Воскобовичтің ойын технологияларын қолдану маңыздылығы», «В.Воскобовичтің дамытушы ойындары», «Мектеп жасына дейінгі балалардың ұсақ қол моторикасын дамыту бағытындағы ойындар», «Мектепке дейінгі ұйымда жобалау әдісін ұйымдастыру», «Бөбекжайдағы ұлттық тәрбие рухани жаңғырудың алғашқы қадамы» және тағы да басқа көптеген шеберлік сабақтары көрсетіліп, педагогтердің шығармашылық жұмыстарынан әзірленген көрме тамашаланды. Семинарға қатысушылар мектеп жасына дейінгі балалармен жұмыста қолданатын түрлі белсенді әдіс-тәсілдерді, инновациялық технологияларды меңгеріп, өз қоржындарын толықтырды.
Р.ТЕМІРОВА, мектепке дейінгі тәрбие мен оқыту әдіскері