Балалардың тартуы
Аудандық психологиялық- педагогикалық түзеу кабинетінің мұғалім- логопеді Ж.Аждуованың ұйымдастыруымен «Ана – өмірдің гүлі» тақырыбында кабинетішілік мерекелік шара өтті. Шараға каби- нет оқушылары, ата-аналар, кабинет мамандары қатысты. Оқушыларға 8 наурыз – Халықаралық әйелдер мерекесі туралы түсінік беріліп, мерекенің маңыздылығы айтылды. Кабинет меңгерушісі С.Насенова жиналған қауымды мерекемен құттықтап, оқушылардың жетістігі туралы айтып, жылы лебізін білдірді. Гүлсезім Арыстангалиева «Анашым», Дамира Жүнісова «Бала тілегі» әндерін шырқап, мерекелік шараның шырайын кіргізді. Сонымен қатар кабинеттің кішкентай бүлдіршіндері жүрекжарды тілектерін өлең шумақтары арқылы жеткізді. «Анаға сыйлық» ойындық тапсырма кезеңінде оқушылар аналарға жылы лебіздерін қағаз бетіне түсіріп, тарту етті. Мерекелік шара соңында ата-аналар құттықтау тілектерін айтып, кабинет ұжымына өз ризашылықтарын білдірді.
Н.ҚАРАБАЛИЕВА, психологиялық- педагогикалық түзеу кабинетінің әдіскері