Жаңартылған білімге ұмтылыс
Т.Жароков атындағы орта мектепте бастауыш сынып мұғалімдерінің аудандық «Жаңартылған білім беру мазмұны: әдіс-тәсіл және нәтиже» тәжірибе алаңы ұйымдастырылды. Тренингпен басталған тәжірибе алаңы ашық сабақтар топтамасымен жалғасты. Бастауыш сынып мұғалімі Г.Жұмағалиева жаратылыстану пәнінен «Глобусты қалай пайдаланады?», Н.Абдрешева қазақ тілінен «Зат есімнің жіктелуі», П.Смағұлова әдебиеттік оқу пәнінен «Қазақстан көлдері» тақырыбында ашық сабақтар көрсетті. Сонымен қатар практикалық бөлімде Н.Абдрешева «Plickers мобильді жүйесі арқылы кері байланыс орнату», А.Әмирханов «Оқушылардың оқу қарқынын дамыту жолдары» шеберлік сыныптарымен бөлісті. Нәтиже бөлімінде «Ұстаз еңбегі – шәкірт жетістігі» тақырыбында бастауыш сынып оқушыларының шағын концерті болды. Концертте ақын-жазушылардың өлеңдері мәнерлеп оқылып, ән мен биден шашу шашылды. Тәжірибе алаңы соңында кері байланыс жүргізіліп, «Өнерпаз болсаң, арқалан» көрмесі тамашаланды.
Нұргүл АБДРЕШЕВА, мұғалім