2005 жылы Будапештте (Венгрия) өткен сайлауды ұйымдастырушылардың жалпы конференциясында әр жылдың ақпанның алғашқы бейсенбісі сайлау органдарының кәсіби мерекесі ретінде белгіленіп, Біріккен Ұлттар Ұйымының қолдауымен осы күні барлық елдерде Дүниежүзілік сайлау күні атап өтіледі.
Осыған орай «Самғау» коворкинг орталығында Тасқала аудандық аумақтық сайлау комиссиясының ұйымдастыруымен дөңгелек үстел өтті. Шараға жастар ресурстық орталығы, учаскелік сайлау комиссияларының мүшелері және БАҚ- ның өкілдері қатысты.
Тасқала аудандық аумақтық сайлау комиссиясының төраға орынбасары Ж.Ш.Жұмалиева баяндама жасап, сайлау комиссиясының жұмыстарына тоқталды. Шараның мақсаты- қоғам санасында демократияландыру процесінің қайтымсыздығын бекіту, сайлау процесіндегі жетістіктер туралы жұртшылықты хабардар ету және жас сайлаушылар арасында демократиялық құндылықтарға бейілділікті қалыптастыру болып табылады.