ҚР құрылыс салушылар қандай шарттарды сақтауы тиіс - өзгерістер

ҚР Индустрия және инфрақұрылымдық даму министрі 2020 жылғы 2 қазандағы бұйрығымен "Тапсырыс берушінің (құрылыс салушының) қызметін және функцияларын жүзеге асыруды" ұйымдастыру қағидаларына өзгерістер енгізді, деп хабарлайды zakon.kz.

Құрылыс салушы өз бетінше немесе бөгде мамандарды тарта отырып, белгіленген объектіні жобалауға тапсырма жасайды.

Жобалауға арналған тапсырма жобалау алдындағы немесе жобалау (жобалау-сметалық) құжаттамасын әзірлеу жөніндегі тапсырысты орындауға арналған шарттың ажырамас бөлігі болып табылады және Тапсырыс беруші оны бекіткен кезден бастап тараптар үшін міндетті болады.

Бұл ретте мемлекеттік инвестициялар және квазимемлекеттік сектор қаражаты есебінен қаржыландырылатын объектілерді жобалауға арналған тапсырмада тауарлардың, жұмыстардың, көрсетілетін қызметтердің және оларды берушілердің дерекқорын қалыптастыру және жүргізу қағидаларына сәйкес қалыптастырылған, тауарлардың, жұмыстардың, көрсетілетін қызметтердің және оларды берушілердің дерекқорына енгізілген қазақстандық өндірістің құрылыс материалдарын, жабдықтарын, бұйымдары мен конструкцияларын қолдану міндетті талап болып табылады.

Жобалауға арналған тапсырмада сәулет, қала құрылысы және құрылыс саласындағы мемлекеттік нормативтердің талаптарына сәйкес мүгедектер мен халықтың жүріп-тұруы шектеулі басқа да топтары үшін қолжетімділік жағдайларын қамтамасыз ету міндетті талап болып табылады.

Сондай-ақ техникалық-экономикалық негіздеме әзірлеу талап етілмейтін және мемлекеттік инвестициялар есебінен қаржыландырылатын экономиканың барлық салаларында әлеуметтік-мәдени, қоғамдық және әкімшілік мақсаттағы объектілерді жобалауға арналған тапсырмада Тапсырыс берушіні инвестициялық ұсынысқа құрылыстың есептік шекті құны туралы көрсету міндетті талап болып табылады.

Құрылыстың есептік шекті құны құрылыстағы баға белгілеу жөніндегі нормативтік құжаттарға сәйкес айқындалады және жобалау (жобалау-сметалық) құжаттамасын әзірлеу кезінде инвестициялық жобаны іске асыруға арналған қаражаттың лимиті болып табылады.

Жобалау процесінде жобаларды іске асыру үшін Тапсырыс беруші қаражатының жалпы (шекті) лимиті болып табылатын құрылыстың есептік шекті құнынан басқа, Тапсырыс берушінің тапсырмасы бойынша жобалауға арналған тапсырма түзетіледі және нақтыланады.

Жобалау (жобалау-сметалық) құжаттамасын әзірлеу кезінде алынған құрылыстың сметалық құны жобалауға арналған бекітілген тапсырмада тіркелген инвестициялық ұсынысқа құрылыстың есептік шекті құнынан аспауға тиіс.

Егер Тапсырыс берушінің бастамасы бойынша жобалауға арналған тапсырмаға енгізілген түзетулер жобалау алдындағы немесе жобалау-сметалық құжаттаманың әзірленген бөлімдерін қайта өңдеуді талап еткен жағдайда, орындалған жұмыс көлемін ескере отырып, шартқа қосымша келісім жасалады.

Бұйрық 2020 жылғы 12 қазаннан бастап қолданысқа енгізіледі.