Бәйтерек аудандық аумақтық сайлау комиссиясына 2021 жылы 1 шілдеде ауылдық округі әкімдеріне ұсыну үшін өзін-өзі ұсынушылардан 4 өтініш келіп түсті. Олардың ішінде Зеленов ауылдық округі әкіміне - Төрешов Мирасбек Берікқалиұлы; Чиров ауылдық округі әкіміне - Қалиев Зейнулла Ғайноллаұлы; Январцев ауылдық округі әкіміне - Үмбетқалиев Фархат Мәлікұлы пен Жекеков Ақан Серікқалиұлы құжаттарын тапсырды.
Өзін-өзі ұсынған үміткерлердің барлық құжаттары құжаттар тізімі бойынша қабылданды және ауылдық округтері әкіміне кандидаттардың құжаттарын қабылдау актісі жасалды. Кейіннен әкімдікке үміткерлердің Қазақстан Республикасының заңнамасында оларға қойылатын талаптарға сәйкестігін және оларда одан әрі кандидат ретінде тіркеуді анықтау үшін барлық қажетті құжаттар тиісті органдарға жіберіледі.