Ауылдық округтер әкімдерінің сайлауын әзірлеу мен өткізу жөніндегі негізгі іс-шаралардың күнтізбелік жоспары

Бәйтерек аудандық аумақтық

сайлау комиссиясының 2020 жылғы

22 мамырдағы № 14 қаулысымен бекітілді

 

 

2020 жылғы 25 маусымға белгіленген Батыс Қазақстан облысы, Бәйтерек ауданы Краснов және Сұлу көл ауылдық округтері әкімдерінің сайлауын әзірлеу мен өткізу жөніндегі негізгі іс-шаралардың күнтізбелік  жоспары

 

1. Тиісті әкімшілік-аумақтық бірлік тұрғындарының назарына сайлау күні туралы хабарды жеткізу.

Аумақтық сайлау комиссиясы.

(36-1бап, 3тармақ, 1 абз.)**

 

2. Бұқаралық ақпарат құралдарында тиісті аумақтық сайлау комиссиясының құрамын жариялау.

Аумақтық сайлау комиссиясы.

Сайлау тағайындалғаннан кейін 7 күннен кешіктірмей.

(13бап, 4тармақ)*

 

3. Әкімдікке кандидаттарды балама негізде аумақтық сайлау комиссиясына тиісті әкімнің ұсынымы мен кандидаттардың тиісті әкімшілік-аумақтық бірліктің аумағында әкімдікке кандидаттар ретінде дауысқа түсуге келісетіні туралы өтініштерді беруі арқылы ұсыну.

Аудан (қала) әкімі.

Сайлау күнінен 30 күн бұрын 2020 жылғы 26 мамырдан басталады

және сайлау  күніне 25 күн қалғанда 2020 жылғы 31 маусымда  аяқталады.

(36-1бап, 3тармақ, 3,6 абз.)**

 

4. Таңдаушылардың тізімдерін жасау және оларды дауыс беруге арналған пунктте ілу.

Аумақтық сайлау комиссиясы тиісті мәслихат хатшысының

ұсынуы  бойынша.

Дауыс беру күніне 7 күн қалғанда 2020  жылғы 18 маусым.

(36-1бап, 10тармақ, 6 абз.)**

 

5. Әкімдікке кандидаттардың оларға қойылатын Қазақстан Республикасы Конституциясының 33 бабы 3-тармағының және «Қазақстан Республикасындағы жергілікті мемлекеттік басқару және өзін-өзі басқару туралы» Заңының талаптарына сәйкестігін анықтау, тиісті хаттама жасау.

Аумақтық сайлау комиссиясы.

2020 жылдың 26 мамырынан  -  10 маусым аралығында.

(36-1бап, 3тармақ, 8 абз.)**

 

6. Тұрғылықты жері бойынша салық органдарына 2020 жылдың 1 мамырына дейінгі табысы мен мүлкі туралы декларация тапсыру.

Кандидат  және оның зайыбы (жұбайы)

Кандидат тіркелгенге дейін.

(36-1бап, 3тармақ, 9 абз.)**

 

7. Кандидаттарды тіркеу және тиісті куәлік тапсыру.

Аумақтық сайлау комиссиясы.

Барлық қажетті құжаттар алынғаннан кейін басталады және

дауыс беретін күнге 15 күн қалғанда  - 2020 жылғы 10 маусымда  аяқталады.

(36-1бап; 4тармақ; 5тармақ, 2тармақша; 6тармақ, 1 абз.)**

 

8. Жергілікті бұқаралық ақпарат құралдары арқылы немесе өзге тәсілмен кандидаттардың тіркелгені туралы хабарлау.

Аумақтық сайлау комиссиясы.

Кандидаттар тіркелгеннен кейін 7-ші күннен кешіктірмей

2020 жылдың 17 маусым.

(36-1бап, 5тармақ, 1тармақша)**

 

9. Кандидат пен оның зайыбы (жұбайы) жариялаған табысы мен мүлкі туралы  мәліметтердің  дұрыстығын тексеру.

Салық қызметі органдары.

Кандидат пен оның зайыбы (жұбайы) декларацияны тапсырған

күннен бастап 7 күннің ішінде.

(36-1бап, 3тармақ, 10 абз.)**

 

10. Кандидаттардың сенім білдірілген адамдарын тіркеу және оларға тиісті куәліктер беру.

Аумақтық сайлау  комиссиясы.

Сенім білдірілген адамдардың тізімдерін тіркеу үшін берген

сәттен бастап.

(36-1бап, 7тармақ, 7,8 абз.)**

 

11. Кандидаттарға таңдаушылармен кездесулері үшін шарт негізінде үй-жайлар беру. Кандидаттардың бөлінген үй-жайда таңдаушылармен кездесу кестесін жасау және оны бұқаралық ақпарат құралдарында жариялау.

Жергілікті  атқарушы органдары және жергілікті өзін-өзі

басқару органдары.

Тиісті аумақтық сайлау комиссиялары.

Сайлау алдындағы үгітті жүргізу кезеңінде.

(28бап, 4тармақ)*

 

12. Сайлау алдындағы үгітті жүргізу.

Әкімдікке кандидаттар, олардың сенім білдірілген адамдары.

Кандидаттарды тіркеу аяқталған 2020 жылдың 10 маусым

күннен басталады және сайлау күнінің алдындағы күні  

2020 жылдың 24 маусымында жергілікті уақыт бойынша нөл сағатта  аяқталады.

(36-1бап, 7тармақ, 1 абз.)**

 

13. Аумақтық сайлау комиссияларында сайлау қорларын тіркеу.

Әкімдікке кандидаттар, олардың сенім білдірілген адамдары.

Кандидаттың тиісті аумақтық сайлау комиссияларына

өтініш жасаған сәтінен бастап бір күнтізбелік күннің ішінде.

(36-1бап, 9тармақ)**

 

14. Сайлау қорларының арнайы уақытша шоттарын ашу.

Аумақтық сайлау комиссиясы.

Кандидат тіркелгеннен кейін.

(36-1бап, 9тармақ, 3 абз.)**

 

15. Дауыс беруге арналған пунктті ашу, тиісті хаттама жасау.

Аумақтық сайлау комиссиясы.

Дауыс берудің басталуына 1 сағат қалғанда.

(40бап, 1тармақ)*

 

16. Әкімдердің сайлауын өткізу. Әкімдерді сайлау жөніндегі дауыстарды санау және дауыс беру нәтижелерін жария ету, әкімдерді сайлау нәтижелері туралы хаттама жасау.

Аумақтық сайлау комиссиясы.

Бір күннің ішінде - 2020 жылғы 25 маусым.

(36-1бап, 10тармақ, 12,13 абз.)**

 

17. Сайланған әкімді тіркеу. Қаулыны жоғары тұрған әкімге және тиісті мәслихатқа ұсыну.

Аумақтық сайлау комиссиясы.

Сайлау өткізілген күннен бастап бес күндік

мерзімде - 2020 жылғы 30 маусым.

(36-1бап, 11тармақ, 1 абз.)**

 

18. Кандидаттың сайлау қоры қаражатын пайдаланғаны туралы аумақтық сайлау комиссиясына есеп беруі.

Әкімдікке  кандидаттар.

Сайлау қорытындысы  анықталғаннан кейін 5 күннен

кешіктірмей 2020 жылғы 30 маусым.

(36-1бап, 9тармақ, 4 абз.)**

 

19. Жергілікті бұқаралық ақпарат құралдарында сайлау қорытындылары және сайланған әкімді тіркеу туралы хабар жариялау.

Аумақтық сайлау комиссиясы.

Сайлау өткізілгеннен күннен бастап 7 күннен кешіктірмей

2020 жылғы 2 шілде.

(36-1бап, 11тармақ, 3 абз.)**

 

 

 

Ескертпе: Күнтізбелік жоспардың мәтінінде Қазақстан Республикасының «Қазақстан Республикасындағы сайлау туралы» Конституциялық Заңына* және Қазақстан Республикасының «Қазақстан Республикасындағы жергілікті мемлекеттік басқару және өзін-өзі басқару туралы» Заңына** сілтемелер жасалды.