Бәйтерек ауданы Янайкин, Шалғай ауылдық округтері әкімдеріне кандидаттарды тіркеу қорытындылары туралы Бәйтерек ауданының аумақтық сайлау комиссиясының ХАБАРЛАМАСЫ
«Қазақстан Республикасындағы сайлау туралы» Қазақстан Республикасының Конституциялық заңының 113-5-бабына сәйкес 2025 жылғы 15 тамызда Бәйтерек ауданының Янайкин, Шалғай ауылдық округтері әкімдеріне кандидаттарды тіркеу аяқталды.
Бәйтерек ауданы Янайкин ауылдық округі әкімінің кандидаттығына 5 кандидат ұсынылды, 5 – өзін-өзі ұсыну тәртібімен ұсынды. Ұсынған 5 кандидаттың 3-і ауылдық округ әкіміне кандидаттар болып тіркелді, 1 кандидатқа мемлекеттік қызмет саласындағы заңнаманың біліктілік талаптарына сәйкес келмеуіне байланысты тіркеуден бас тартылды, 1 кандидат өз кандидатурасын алып тастау туралы өтініш жазды.
Бәйтерек ауданы Шалғай ауылдық округі әкімінің кандидаттығына 3 кандидат ұсынылды, 3 – өзін-өзі ұсыну тәртібімен ұсынды. Ұсынған 3 кандидаттың барлығы ауылдық округ әкіміне кандидаттар болып тіркелді.
«Қазақстан Республикасындағы сайлау туралы» Қазақстан Республикасының Конституциялық заңының 113-5-бабының 9-тармағына сәйкес кандидаттарды тіркеу туралы ресми ақпарат 2025 жылғы 19 тамыздағы №34 «Ауыл тынысы» қоғамдық-саяси газетінде жарияланатын болады.
Бәйтерек ауданының аумақтық сайлау комиссиясы