БӘЙТЕРЕК АУДАНДЫҚ АУМАҚТЫҚ САЙЛАУ КОМИССИЯСЫНЫҢ ШЕШІМІ
Переметный ауылы №57 2023 жылғы 14 желтоқсан
Бәйтерек ауданының Байқоныс ауылдық
округі әкімі лауазымына кандидаттардың
сайлауалды пікірсайысын өткізу туралы
Қазақстан Республикасының «Қазақстан Республикасындағы сайлау туралы» Конституциялық заңының 27-бабы 3-тармағының 2)-тармақшасына, 28-бабының 3-тармағына және Қазақстан Республикасы Орталық сайлау комиссиясының 2018 жылғы 25 тамыздағы №12/198 «Сайлау алдындағы пікірсайыстарды өткізу қағидалары мен шарттарын бекіту туралы» қаулысына сәйкес, Бәйтерек аудандық аумақтық сайлау комиссиясы ШЕШІМ ЕТТІ:
- 2023 жылғы 24 желтоқсанға тағайындалған Қазақстан Республикасы Батыс Қазақстан облысы Бәйтерек ауданының Байқоныс ауылдық округі әкімінің сайлауына байланысты ағымдағы жылдың 20 желтоқсан күні сағат 17.00-де Байқоныс ауылдық клубының ғимаратында (келісім бойынша) кандидаттар арасында сайлауалды пікірсайысы өткізілсін.
- Осы шешім Байқоныс ауылдық округі әкіміне тіркелген кандидаттардың назарына жеткізілсін.
- Осы шешім Бәйтерек ауданы әкімдігінің интернет-ресурсында жариялансын.
- Осы шешімнің орындалуын бақылау Бәйтерек аудандық аумақтық сайлау комиссиясының хатшысы Г.Губашеваға жүктелсін.
- Осы шешім қол қойылған күннен бастап күшіне енеді.
Комиссия төрағасы Р.Ихласов
Комиссия хатшысы Г. Губашева